سەناتوردىڭ ايتۋىنشا, دەپۋتاتتار بيزنەس قاۋىمداستىعىنىڭ وكىلدەرىمەن جانە ەلىمىزدىڭ ازاماتتارىمەن بىرگە قولدانىستاعى سالىق كودەكسىنىڭ پروبلەمالىق ماسەلەلەرىن تالقىلاۋ جونىندە بىرقاتار كەزدەسۋ وتكىزدى. ونداعى ەڭ ءجيى كوتەرىلەتىن ماسەلەلەردىڭ ءبىرى – «ە-تامگا» ققس-تولەمدەر جۇيەسىن ەنگىزۋ, ول ۋاقتىلى تولەۋ, باقىلاۋ شارالارىن قىسقارتۋ جانە ققس-تى اۆتوماتتى تۇردە قايتارۋدى قامتاماسىز ەتەدى. سونداي-اق ۇسىنىستار قاتارىندا قۇرامىندا قانت بار سۋسىندارعا اكتسيزدەر ەنگىزۋ دە بار. زياندى ونىمدەردى تۇتىنۋدى ازايتۋ جانە بيۋدجەت كىرىسىن ارتتىرۋ باستى مىندەت بولىپ وتىر.
«الەۋمەتتىك سالا ەكونوميكاداعى سەزىمتال سالالاردىڭ ءبىرى ەكەنىن ەسكەرە وتىرىپ, وعان كتس مولشەرلەمەسىن 10%-دان اسپايتىن ەتىپ بەلگىلەۋدى ۇسىنامىز. بۇل رەتتە ءوز قۇرىلتايشىلارىنا ديۆيدەند تولەۋ قۇقىعى بەرىلۋى كەرەك. سونداي-اق ققس اكىمشىلىگىن رەفورمالاۋ ماسەلەسىن قاراستىرۋ ماڭىزدى, ويتكەنى قولدانىستاعى ءتارتىپ ەلەكتروندىق شوت-فاكتۋرالار نەگىزىندە سالىقتى باسقارۋ سالىقتىق الشاقتىققا اكەلەدى. وسىعان بايلانىستى «ە-تامگا» ققس-تولەمدەر جۇيەسىن ەنگىزۋ قاجەت. سونىمەن قاتار جاقىندا كامەرالىق باقىلاۋ بيزنەس پەن سالىق ورگاندارى اراسىنداعى كوپتەگەن داۋعا اكەلىپ سوقتىرادى. بۇل شىن مانىندە قاشىقتان سالىق تەكسەرۋى بولىپ سانالادى. وسىعان بايلانىستى زاڭ بۇزۋدى جويۋ تۋرالى حابارلاما تۇجىرىمداماسىن ىقتيمال الشاقتىقتىڭ الدىن الۋ تۋرالى تۇجىرىمداما بويىنشا قايتا قاراستىرۋ كەرەك. زەينەتاقى تولەمى كەزىندە جتس سالۋ بويىنشا ماسەلەنى قايتا كوتەرۋ كەرەك», دەدى سەناتور.
