2016 جىلدان باستاپ قالادا اقىلى اۆتوتۇراق جوباسى ىسكە قوسىلدى. سول كەزدە ولاردىڭ جالپى سانى 486 بولعان. 2023 جىلى اقىلى اۆتوتۇراقتاردىڭ سانى 7 مىڭنان استى.
«بۇگىندە استانادا 7200 اقىلى اۆتوتۇراق بار. 2025 جىلى اقىلى اۆتوتۇراقتاردىڭ سانىن 10 مىڭعا جەتكىزگەننەن كەيىن كومپانياعا («پاركوۆوچنوە پروسترانستۆو استانى» – اقىلى تۇراقتارعا قىزمەت كورسەتەتىن جشس) وزدەرىڭ (قاردى) تازارتاسىڭدار, جولعا اسفالت توسەيسىڭدەر, جول بەلگىسىن وزدەرىڭ قوياسىڭدار دەپ تالاپ قويىپ جاتىرمىز. بۇل ماسەلەنى 2025 جىلى كۇن تارتىبىنە شىعارامىز. بۇل جۇمىستاردى جۇرگىزۋ ءۇشىن اقىلى تۇراقتىڭ ءتاريفىن كوتەرۋ كەرەك», دەدى اسحات قاراعويشين استانا قالاسى قوعامدىق كەڭەسىندە.
بۇگىندە اقىلى اۆتوتۇراقتىڭ ءتاريفى – ساعاتىنا 100 تەڭگە.
باسقارما باسشىسى بۇل تۇراقتاردان جەرگىلىكتى بيۋدجەتكە قوماقتى قارجى تۇسكەنىن اتاپ ءوتتى.
«بۇگىندە اقىلى اۆتوتۇراقتاردان 4 ملرد 228 ملن تەڭگە بيۋدجەتكە ءتۇستى. ونىڭ 474 ملن تەڭگەسى («پاركوۆوچنوە پروسترانستۆو استانى») كومپانياسىنا بەرىلدى», دەدى ول.
«پاركوۆوچنوە پروسترانستۆو استانى» جشس ديرەكتورى شىڭعىس دوسىباەۆ اقىلى اۆتوتۇراقتاردان تۇسكەن جيىنتىق تابىستىڭ 90 پايىزى جەرگىلىكتى بيۋدجەتكە, 10 پايىزى كومپانياعا تۇسكەنىن اتاپ ءوتتى.
