فوتو: ۆيدەوسكرين
اينا مۋسراليموۆانىڭ ايتۋىنشا, قازىر ارشالى اۋدانىنىڭ تۇرعىندارى ءۇشىن استانا سۋ قويماسى قاۋىپ ءتوندىرىپ تۇر. ول جەردەن سەكۋندىنا 300 تەكشە مەتر سۋ توگىلەدى. مۇنداعى سۋ دەڭگەيى تۋرالى ەسەپتەر مەن باسقا ماڭىزدى اقپارات شتابقا ەكى ساعات سايىن حابارلانادى.
«سۋ تاسقىنىنا قارسى ءىس-شارالار بارىسىندا 226 مىڭ تەكشە مەتر ەرىگەن سۋ سورىلىپ, 850 مىڭ تەكشە مەتر قار شىعارىلدى. 106 بىرلىك تەحنيكا جۇمىلدىرىلدى. 38 مىڭ قاپ جينالدى جانە توسەلدى. ارشالى اۋدانىنداعى جىبەك جولى اۋىلىندا جاعداي كۇردەلى. ال تسەلينوگراد اۋدانىنان 474 مىڭ تەكشە مەتر قار شىعارىلدى, 22 كم سۋ بۇرۋ ترانشەيالارى سالىندى, 32 كم كانالدار مەن ارىقتار تازارتىلدى. شامامەن 1,2 ميلليون تەكشە مەتر ەرىگەن سۋ سورىلدى. 3 كم جاڭا بوگەتتەر سالىندى. نۇرا, قوزىكوش, قاراسۋ, مۇقىر, ەسىل وزەندەرىنىڭ ارنالارى بويىنشا جۇمىس جۇرگىزىلدى. 8 ەۆاكۋاتسيالىق پۋنكت دايىندالدى. 355 ادام, 82 بىرلىك تەحنيكا, 57 موتوپومپالار جۇمىلدىرىلدى», دەپ جازدى دەپۋتات Facebook جەلىسىندە.
ونىڭ ايتۋىنشا, الەۋمەتتىك جەلىلەردە تالاپكەردى سۋ باسقانى تۋرالى حابار تارادى. ول جاقتا دا قاجەتتى شارالار قابىلداندى. اۋىلدىڭ اينالاسىندا 3 كم قاشىقتىقتا وتەتىن ۇيىندىلەر مەن كانالدى نىعايتۋ بويىنشا قاجەتتى جۇمىستار جۇرگىزىلدى, 7 مىڭ قاپ توسەلدى.
«تۇتاستاي العاندا, جاعداي تۇراقتى, بىراق ەگىستىكتەردە جاتقان قالىڭ قار ەندى ەري باستادى, جاڭبىر دا جاۋدى. سۋ تاسقىنىنا قارسى ءىس-شارالارعا قاتىسقان ادامدارعا: كەنت اكىمدىگىنىڭ قىزمەتكەرلەرىنە, تجد وكىلدەرىنە, اسكەري قىزمەتشىلەرگە, ەرىكتىلەرگە العىسىمدى بىلدىرەمىن. تالاپكەر تۇرعىندارىنىڭ اۋىزبىرشىلىگى مول, تاتۋ-ءتاتتى ەكەن», دەپ جازدى ول.
