فوتو: ۇكىمەتتىڭ ءباسپاسوز قىزمەتى
9 ساۋىردەگى احۋال بويىنشا, 25 ءۇي تولىعىمەن قيراعان, تاعى 12 ءۇي اپاتتى جاعدايدا تۇر. تۇرعىندار 27 ناۋرىزدان باستاپ ەۆاكۋاتسيالىق پۋنكتىلەرگە ورنالاستىرىلىپ جاتىر.
سەرىك جۇمانعارين سۋ باسقان سپورت كەشەنىن ارالاپ كوردى. قالپىنا كەلتىرۋ جۇمىستارى ءالى باستالماعان. سونداي-اق ول سپورت مەكتەبىندە ورنالاسقان ەۆاكۋاتسيالىق پۋنكتكە باردى. مۇندا 13 ادام ورنالاستىرىلعان, تاعى 30 ادام – باسقا جاقتا. كەيبىر تۇرعىندار تۋىستارىنىڭ ۇيىنە نەمەسە ءوز ۇيلەرىنە ورالعان, باسقا بارار جەرى جوق تۇرعىندار اتالعان پۋنكتىلەرگە جايعاسقان.
ۆيتسە-پرەمەر قوبدا اۋدانىنىڭ اكىمى ىزگىلىك تىنىمگەرەەۆكە زارداپ شەككەندەرگە ارناپ جاڭادان ءۇي سالۋدى تەزىرەك باستاۋدى تاپسىردى. ول ءۇشىن ينفراقۇرىلىم جۇرگىزىلگەن ورىن قاراستىرىلعان.
سونىمەن قاتار قوبدا اۋدانىن ارالاۋ كەزىندە سەرىك جۇمانعارين باتىپ كەتكەن ۇيلەر مەن ساۋقايىڭ بوگەتىن ارالاپ شىقتى.
