فوتو: وكق
ونىڭ ايتۋىنشا, اباي وبلىسى بويىنشا سۋ تاسقىنى جاعدايى تۇراقتالدى. وبلىس اۋماعىندا 22 تۇرعىن ءۇي سۋ استىندا قالدى.
«الدىن-الا ەسەپتەۋ بويىنشا زارداپ شەككەن ءۇي قۇرىلىستارى, تەحنيكا, ءۇي جانۋارلارى, جەكە م ۇلىكتى ەسكەرە وتىرىپ, زالال شامامەن 57 ملن تەڭگەنى قۇرايدى. كوميسسيا جۇمىسىن 15 ساۋىردە اياقتاۋ جوسپارلانىپ وتىر», دەدى ديميتري گاريكوۆ.
سونداي-اق وبلىس اكىمىنىڭ ورىنباسارى اياگوز جانە اقسۋات اۋداندارىندا ەنگىزىلگەن تج رەجيمى 3 ساۋىردە توقتاتىلعانىن ەسكە سالدى.
«ايتا كەتەتىن ءبىر جايت, ۇيلەر ەڭ ۇزاق دەگەندە 12 ساعاتقا دەيىن سۋ استىندا قالدى. جاو مەن تجد قىزمەتكەرلەرىنىڭ جەدەل ءىس-قيمىلدارىنا سايكەس ۇيلەردەن سۋ تارتىلدى. جالپى, وبلىستىڭ بارلىق اۋداندارى سۋ باسۋ قاۋىپى بولعانىمەن, تەك ەكى اۋداندا – اياگوز جانە اقسۋاتتا تج رەجيمى جاريالانىپ, 3 ساۋىردە توقتاتىلدى», دەدى سپيكەر.
سونداي-اق ديميتري گاريكوۆ وبلىستىڭ ينفراقۇرىلىمىنا كەلتىرىلگەن زالال تۋرالى ايتتى.
«سۋ تاسقىنى سالدارىنان 4 كوپىرگە نۇقسان كەلدى, ونىڭ 2-ءۋى ءىرى كوپىرلەر. قازىرگى ۋاقىتتا اياگوز اۋدانىنىڭ ءبىر اۋىلى كولىك قاتىناسىنسىز قالىپ وتىر. ينفراقۇرىلىم بويىنشا كوميسسيانىڭ جۇمىسى دا اياقتالدى, شامامەن 2,5 ملرد تەڭگە شىعىن كەلگەنى انىقتالدى. سۋ تاسقىنىنا قارسى ءىس-شارالار كەزىندە تىكۇشاق پايدالانىلىپ, 700 كەلى گۋمانيتارلىق كومەك جەتكىزىلدى. سۋ باسۋ قاۋپى جويىلدى, وڭىردەگى سۋ تاسقىنى جاعدايى تۇراقتى», دەپ قورىتىندىلادى وبلىس اكىمى ورىنباسارى.
