جاقىندا مەملەكەت باسشىسىنىڭ قابىلداۋىندا بولعان قالا اكىمى ەربولات دوساەۆ وسى جىلدىڭ مامىر-جەلتوقسان ايلارى ارالىعىندا ەىدۇ ستاندارتىن قولدانىپ, 50 PISA جاتتىقتىرۋشىسى وقىتىلاتىنىن, ال قىركۇيەكتەن باستاپ 14 PISA قۇزىرەتتىلىك ورتالىقتارىندا «School Excellence Model» ەنگىزىلەتىنىن مالىمدەدى. ال الداعى وقۋ جىلىنان باستاپ قالاداعى بارلىق مەملەكەتتىك مەكتەپتە «PISA Artificial Intelligence» پلاتفورماسى جۇمىس ىستەيدى.
سينگاپۋر – Marshall Cavendish – PISA كورسەتكىشىن جاقسارتۋ ءۇشىن قاجەت. بۇل حالىقارالىق تەستىلەۋ ءارتۇرلى ەلدەگى وقۋشىلاردىڭ فۋنكتسيونالدىق ساۋاتى مەن تەوريالىق ءبىلىمىن تاجىريبەدە قولدانا ءبىلۋىن باعالاۋعا مۇمكىندىك بەرەتىن جاڭاشا ءبىلىم بەرۋ ءادىسى.
قازاقستان PISA-2022 حالىقارالىق زەرتتەۋىنىڭ قورىتىندىسى بويىنشا ماتەماتيكا جانە جاراتىلىستانۋ عىلىمدارى كورسەتكىشى بويىنشا 50 ەلدىڭ قاتارىنا ەندى. وسى رەيتينگتە الماتى قالاسى وقۋشىلارى «ماتەماتيكالىق ساۋاتتىلىق» جانە «جاراتىلىستانۋ ساۋاتتىلىعى» باعىتتارى بويىنشا باسقا وڭىرلەرىمەن سالىستىرعاندا جوعارى كورسەتكىشكە يە بولدى. ولار ماتەماتيكالىق ساۋاتتىلىقتان – 453, عىلىمي-جاراتىلىستانۋ ساۋاتتىلىعى بويىنشا – 458, وقۋ ساۋاتتىلىعى تۇرعىسىنان 423 بالدى قۇراپ, جالپى رەيتينگتە 3 ورىنعا يە بولدى.
الماتى
