فوتو: Massaget.kz
«ەلىمىزدىڭ بىرقاتار وڭىرىندە تابيعي اپات ورىن العان ساتتەن بەرى مەنىڭ اتىما دوستاس مەملەكەتتەردىڭ باسشىلارىنان جىلى لەبىزدەرى مەن كومەك كورسەتۋ جونىندە ۇسىنىستارى جازىلعان حاتتار كەلىپ ءتۇسىپ جاتىر. قازاقستان جويقىن سۋ تاسقىنى كەزىندە جاردەم بەرۋگە دايىن ەكەنىن بىلدىرگەنى ءۇشىن دوستاس ەلدەرگە شىن جۇرەكتەن العىس ايتادى.
مەنىڭ تاپسىرمام بويىنشا پرەمەر-مينيستر باستاعان رەسپۋبليكالىق شتاب توتەنشە جاعدايدىڭ سالدارىن بارىنشا ازايتۋ ءۇشىن پارمەندى شارالار قابىلداپ جاتىر. زارداپ شەككەن بارلىق ازاماتقا قاجەتتى كومەك كورسەتىلىپ جاتىر. ولاردىڭ بۇكىل شىعىندارى وتەلەدى. بىردە-ءبىر ادام نازاردان تىس قالمايتىنىن جۋىردا وتانداستارىما ارنالعان ۇندەۋىمدە ايتتىم. اپاتقا قارسى كۇرەس جالعاسىپ جاتىر.
قيىن-قىستاۋ كەزدە حالقىمىز ءوزىن تاعى دا ەڭ جاقسى قىرىنان تانىتىپ, بىرلىك پەن توزىمدىلىكتىڭ ۇلگىسىن كورسەتكەنى قۋانتادى. قازاقستان ازاماتتارىنا شىن جۇرەكتەن العىس ايتامىن», دەپ جازىلعان مەملەكەت باسشىسىنىڭ Instagram پاراقشاسىندا.
