ە.بوكەتوۆ اتىنداعى قارۋ-عا زەرتتەۋ ۋنيۆەرسيتەتى مارتەبەسى بەرىلدى

«اكادەميك ە.ا.بوكەتوۆ اتىنداعى قاراعاندى ۋنيۆەرسيتەتى» كوممەرتسيالىق ەمەس اكتسيونەرلىك قوعامىنا زەرتتەۋ ۋنيۆەرسيتەتى مارتەبەسى بەرىلسىن», دەلىنگەن قۇجاتتا.

دامۋ باعدارلاماسىنىڭ قۇندىلىقتارى:

1) جاڭا كاسىپتەر اتلاسىن ەسكەرە وتىرىپ, ەل ەكونوميكاسىنىڭ يننوۆاتسيالىق سالالارى ءۇشىن كادرلار دايارلاۋ;

2) جاڭا ءبىلىم مەن يننوۆاتسيالاردى گەنەراتسيالاۋ;

3) مەملەكەت پەن قوعامعا قىزمەت ەتۋ ءۇشىن باسەكەگە قابىلەتتى تۇلعانى دامىتۋ;

4) ماگيستراتۋرا جانە دوكتورانتۋرا دەڭگەيىندە جوعارى جانە (نەمەسە) جوعارى وقۋ ورنىنان كەيىنگى ءبىلىمنىڭ حالىقارالىق ستاندارتتارىنا سايكەس زەرتتەۋ قۇزىرەتتەرىنىڭ جيىنتىعىن مەڭگەرگەن جاس عالىمداردى دايارلاۋ;

5) «جاسىل» ەكونوميكا جاعدايىندا ەكونوميكالىق سەكتورلاردى يننوۆاتسيالىق جاڭعىرتۋ سالاسىندا عىلىمي زەرتتەۋلەر جۇرگىزۋ, ءادديتيۆتى ءوندىرىستى ەنگىزۋ, ءوندىرىستى باقىلاۋ جانە باسقارۋ جۇيەلەرىن وڭتايلاندىرۋ, قارۋ وپق-نىڭ, ستۋدەنتتەرىنىڭ, ماگيسترانتتارىنىڭ, دوكتورانتتارىنىڭ, شارۋاشىلىق جۇرگىزۋشى سۋبەكتىلەر وكىلدەرىنىڭ قاتىسۋىمەن كوپفۋنكتسيونالدى ماڭىزى بار جاڭا ماتەريالدار جاساۋ جانە ازىرلەۋ;

6) يننوۆاتسيالىق جاڭعىرتۋ جانە «جاسىل» تەحنولوگيالار سالاسىنداعى شارۋاشىلىق جۇرگىزۋشى سۋبەكتىلەرگە ماركەتينگتىك جانە ينجينيرينگتىك قىزمەتتەر كورسەتۋ;

7) قارۋ-دا ورنىقتى دامۋ قاعيداتتارىنا سايكەس كەلەتىن كورپوراتيۆتىك ساياساتتى ەنگىزۋگە باعىتتالعان تۇبەگەيلى جاڭا قۇرىلىمدار-ورتالىقتار قۇرۋعا الىپ كەلەتىن ينستيتۋتسيونالدىق جانە قوعامدىق وزگەرىستەر جۇرگىزۋ;

8) جەتەكشى شەتەلدىك زەرتتەۋشىلەردى تارتا وتىرىپ, حالىقارالىق كونسورتسيۋمداردى ۇيىمداستىرۋ ءۇشىن جاعدايلار جۇرگىزۋ.

سونداي-اق الداعى بەس جىلعا ارنالعان ۋنيۆەرسيتەتتى دامىتۋ باعدارلاماسى بەكىتىلدى, ونىڭ مىندەتتەرىنە:

• جوعارى جانە جوعارى وقۋ ورنىنان كەيىنگى ءبىلىم بەرۋدىڭ بارلىق دەڭگەيلەرىندە عىلىمي قىزمەت پەن ءبىلىم بەرۋ پروتسەسىن ينتەگراتسيالاۋ;
• ساپالى ءبىلىم بەرۋدىڭ تەڭدىگى مەن قولجەتىمدىلىگىن قامتاماسىز ەتۋ, تالانتتى جاستاردى تارتۋ;
• ەلدىڭ زياتكەرلىك الەۋەتىن ارتتىرۋعا, قازاقستاننىڭ عىلىمي مەكتەپتەرىنىڭ حالىقارالىق بەدەلىن ارتتىرۋعا مۇمكىندىك بەرەتىن ىرگەلى جانە قولدانبالى عىلىم سالاسىنداعى جوبالاردى ىسكە اسىرۋ;
• اتالعان جوو عالىمدارىنىڭ قولدانبالى زەرتتەۋلەرىنىڭ ناتيجەلەرىن پاتەنتتەردى, ليتسەنزيالاردى ساتۋ, ستارتاپ-جوبالاردى ازىرلەۋ تۇرىندە ءوڭىر ەكونوميكاسىنا ەنگىزۋ;
• «اكادەميك ە.ا.بوكەتوۆ اتىنداعى قاراعاندى ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ قوعامدى دامىتۋعا قوسقان ۇلەسىن ۇلعايتۋ.

دامۋ باعدارلاماسىنىڭ پايىمى: كلاسسيكالىق زەرتتەۋ ۋنيۆەرسيتەتى – جوعارى تەحنولوگيالىق عىلىمي زەرتتەۋلەر جانە اكادەميالىق ارتىقشىلىق ورتالىعى.

دامۋ باعدارلاماسىنىڭ ميسسياسى: قارۋ سەرپىندى عىلىمي زەرتتەۋلەر مەن ءبىلىم بەرۋ يننوۆاتسيالارى ارقىلى ءوڭىر مەن ەلدىڭ جوعارى تەحنولوگيالىق دامۋىنا ىقپال ەتەدى.

دامۋ باعدارلاماسىن iسكە اسىرۋدىڭ تiكەلەي ناتيجەسi - كاسiپورىنداردى يننوۆاتسيالىق جاڭعىرتۋ, قازiرگi زامانعى تەحنولوگيالاردى قۇرۋ, جوعارى بiلiكتi كادرلار دايارلاۋ ارقىلى الەمدiك ۇردiستەر مەن ترەندتەردi ەسكەرە وتىرىپ, رەسپۋبليكا مەن ءوڭiر ەكونوميكاسىنىڭ نەگiزگi سالالارىن دامىتۋ.

قاۋلى قول قويىلعان كۇنىنەن باستاپ قولدانىسقا ەنگىزىلەدى.

تولىق اقپارات قر قۇقىقتىق اكتىلەرىنىڭ اقپاراتتىق-قۇقىقتىق جۇيەسىندە جاريالاندى.