سۋ تاسقىنى كەزىندە ش.بەرسيەۆ اتىنداعى اۋىلدىق وكرۋگىنىڭ قاراتال اۋىلى مەن ويىل اۋىلدىق وكرۋگىنە قاراستى ەكپەتال اۋىلى تۇرعىندارىنىڭ ۇيلەرىنە سۋ كىرگەن. سالدارىنان ەكپەتال اۋىلىنداعى بارلىق ۇيلەر تۇرۋعا جارامسىز بولىپ قالدى. وبلىس ورتالىعىنان 5 شاقىرىم جەردە ورنالاسقان اۋىل تۇرعىندارى ەندى ويىلدىڭ وزىنە قونىستانباق.
«سۋ باسقان اۋىلدىڭ تۇرعىندارى ەۆاكۋاتسيالانىپ, وبلىس ورتالىعىنا جەتكىزىلدى. ەندى ويىلدىڭ وزىندە ەكپەتال اۋىلىنىڭ تۇرعىندارىنا ءۇي سالۋدى جوسپارلاپ وتىرمىز. تۇرعىندار ءوز كەلىسىمدەرىن بەردى. 482 - 690 ۋچاسكەلەر اراسىنداعى اۋماقتا تۇرعىن ءۇي قۇرىلىسى ءۇشىن بوس ورىندار بار. تۇرعىن ءۇي قۇرىلىسىنىڭ ينفراقۇرىلىمى, ياعني گاز, سۋ تولىق قامتىلعان. وسى اۋماقتاردا ەكپەتال كەنتىنىڭ تۇرعىندارى ءۇشىن تۇرعىن ءۇي سالۋدى جوسپارلاپ وتىرمىز», دەدى ويىل اۋدانىنىڭ اكىمى اسقار قازىباەۆ.
سونىمەن قاتار ويىل اۋدانىندا 1500 ادامدىق مەكتەپ پەن 90 ادامدىق بالاباقشا سالۋعا جەر تەلىمى دە قاراستىرىلعانى قوسا حابارلاندى.
ەسكە سالا كەتەيىك, 29 ناۋرىزدا ويىل اۋدانىندا توتەنشە جاعداي رەجيمى ەنگىزىلگەن ەدى.
قىرمىزى جۇماعاليقىزى,
ەۇۋ ستۋدەنتى
