فوتو pixabay.com
يپوتەكانىڭ بەلگىلى شارتتارى مەن تالاپتارى
مولشەرلەمە: 7% - حالىقتىڭ الەۋمەتتىك وسال توپتارى ءۇشىن, 9% - باسقالارى ءۇشىن.
باستاپقى جارنا - 20%-دان باستاپ.
نەسيە مەرزىمى - 19 جىل.
وڭىرلەردە, سونداي-اق استانا, الماتى, شىمكەنت, وبلىس ورتالىقتارىندا نەسيەنىڭ ەڭ كوپ سوماسى ءالى انىقتالماعان. «وتاۋ» يپوتەكاسىمەن سالىستىرعاندا جوعارى بولۋى مۇمكىن.
قاتىسۋشىنىڭ سوڭعى بەس جىل ىشىندە ەشقانداي جىلجىمايتىن مۇلكى, سونداي-اق ونىڭ جانە ونىڭ وتباسى مۇشەلەرىنىڭ: ەرلى-زايىپتىلارىنىڭ, بالالارىنىڭ ونىڭ تۇرعىن ۇيىمەن ەشقانداي مامىلەلەرى بولماۋى ءتيىس.
بيىل 300 ملرد تەڭگەنى قارجىلاندىرۋعا قاراماستان, «ناۋرىز» يپوتەكاسىندا باللدار بويىنشا رانجيرلەۋ ءپرينتسيپى قالادى, «وتاۋداعىداي» دەپوزيت مەرزىمىنە قاتىستى شارتتار بولمايدى.
قانداي تۇرعىن ءۇيدى ساتىپ الۋعا بولادى؟
قازىر ناقتى شارتتار جوق. دەسە دە استانا, الماتى, شىمكەنت قالالارىندا جانە وبلىس ورتالىقتارىندا - باستاپقى نارىقتاعى ۇيلەر.
ال اۋىلدار مەن اۋدان ورتالىقتارى بويىنشا تۇرعىن ءۇي سەگمەنتى ءالى تالقىلانىپ جاتىر.
«ناۋرىز» بويىنشا بارلىق باستاپقى نىسانداردى باسپانا ماركەت پورتالىنان كورۋگە بولادى.
«ناۋرىز» يپوتەكاسىنىڭ «وتاۋ» يپوتەكاسىنان ايىرماشىلىعى قانداي؟
كەز كەلگەن مەرزىمنىڭ دەپوزيتتەرىمەن قاتىسۋعا بولادى. 18 اي جانە ودان ارتىق دەپوزيت قاجەت ەمەس. الايدا, جيناقتالعان سوما تۋرالى شارت 1 ملن تەڭگەنى قۇرايدى.
الەۋمەتتىك وسال توپتار ءۇشىن يپوتەكا بويىنشا مولشەرلەمە - 7%.
بيىل «ناۋرىز» باعدارلاماسىنا قاتىسۋعا وتىنىمدەر 1 مامىردان باستاپ قابىلدانادى. بىراق كەلەسى جىلدان باستاپ وتىنىمدەر 1 ناۋرىزدا قابىلدانا باستايدى.
