فوتو: kaz.inform.kz
ۆيتسە-پرەمەر وڭىردەگى نەگىزگى سۋ ارناسى – جايىق وزەنىندە سۋ تاسقىنىنىڭ الدىن الۋ جۇمىستارىنىڭ بارىسىمەن تانىستى. سۋ دەڭگەيىنىڭ كوتەرىلۋىنە بايلانىستى وزەن جاعاسى قۇم سالىنعان قاپتارمەن نىعايتىلدى.
ەسكە سالا كەتەيىك, باتىس قازاقستان وبلىسىنا جاقىن ورنالاسقان رەسەيدىڭ ساراتوۆ جانە ورىنبور وبلىستارىنداعى سۋ قويمالارىنان كوپ كولەمدە سۋ كەلىپ جاتىر. اتاپ ايتقاندا, ساراتوۆ وبلىسىنداعى پريۋزەن سۋ قويماسىنان قاراوزەنگە سەكۋندىنا 300 تەكشە مەتر سۋ قۇيىلۋدا. سونداي-اق ورىنبورداعى يريكلا سۋ قويماسىنان سەكۋندىنا 2 مىڭ تەكشە مەترگە جۋىق سۋ جىبەرىلىپ جاتىر. بۇل سۋ جاقىن ارادا جايىق وزەنى ارقىلى ءوتىپ, ءارى قاراي كاسپي تەڭىزىنە قۇيىلادى. وسىعان بايلانىستى جايىق وزەنىندەگى سۋ دەڭگەيى قالاعا قاۋىپ توندىرەتىن دەڭگەيگە جەتۋى مۇمكىن.
سونىمەن قاتار تەرەكتى اۋدانىنداعى ۇزىنكول سۋ قويماسى تەكسەرىلدى. مۇنداعى جاعداي قالىپتى, سۋ دەڭگەيى تومەندەپ كەلەدى.
«ماماندار جاعدايدى ۇنەمى باقىلاۋدا ۇستاۋى كەرەك. ۇكىمەت تاراپىنان بارلىق قاجەتتى كومەك كورسەتىلەدى», دەدى پرەمەر-ءمينيستردىڭ ورىنباسارى.
بقو-داعى 5 اۋداندا جانە ورال قالاسىندا سۋ تاسقىنى سالدارىنان تۇرعىن ۇيلەر مەن ساياجايلاردى سۋ باستى. وبلىس بويىنشا 7 مىڭعا جۋىق ادام قۇتقارىلدى.
ەۆاكۋاتسيالىق پۋنكتتەردە بارلىق قاجەتتى جاعداي قامتاماسىز ەتىلگەن, سۋ تاسقىنىنان زارداپ شەككەندەرگە مىڭداعان ەرىكتى كومەك كورسەتىپ جاتىر. حالىققا ازىق-ت ۇلىك پەن ءدارى-دارمەك, كيىم-كەشەك تاسىمالى, سونداي-اق كەزەكشىلىك ۇيىمداستىرىلعان. وقۋشىلار ونلاين-فورماتتا وقۋىن جالعاستىرىپ كەلەدى.
