بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى اقپارات تاراتتى.
وڭىرلىك ۆەدومسۆتو مالىمەتىنشە, ولار 7 ساۋىردە ساعات 15:00 شاماسىندا سەمەي قالاسىنداعى ۆوستوچنىي لەۆىي ەلدى مەكەنىندەگى ۇيىنەن شىعىپ, سول كۇيى حابارسىز كەتكەن.
«2005 جىلى 10 ماۋسىم كۇنى تۋعان ابىشەۆا التىناي داۋلەتقىزىن جانە كامەلەتكە تولماعان - 2008 جىلى 28 قاڭتاردا تۋعان ابىشەۆ ابزال داۋلەت ۇلىن ىزدەستىرۋگە جاردەمدەسۋدى سۇرايمىز.
التىنايدىڭ بەلگىلەرى: بويى - 160-165 سم, دەنە ءبىتىمى - ارىق, قارا شاشتى.
التىنايدىڭ كيگەن كيىمى: تىزەگە دەيىن جاسىل بولون كۋرتكا, قارا ءتۇستى فۋتبولكا, قارا ءتۇستى كروسسوۆكا.
ابزالدىڭ بەلگىلەرى: بويى - 175-180 سم, دەنە ءبىتىمى - ارىق, شاشى اشىق ءتۇستى, وڭ كوزىنىڭ استىندا تىرتىق بار.
ابزالدىڭ كيگەن كيىمى: قارا ءتۇستى جەڭسىز كۇرتەشە, كوك ءتۇستى فۋتبولكا, قارا ءتۇستى دجينسى, قارا ءتۇستى كروسسوۆكا.
ەگەر ءسىز فوتوسۋرەتتەگى جاسوسپىرىمدەردىڭ ورنالاسقان جەرىن بىلسەڭىز, 102 تەلەفون ارقىلى حابارلاۋدى سۇرايمىز», دەلىنگەن اقپاراتتا.
