ەكولوگيالىق ايلىق شەڭبەرىندە قالانى, نوسەر جانە ارىق كارىز جەلىلەرىن سانيتارلىق تازارتۋ, كوشەلەردى, تروتۋارلار مەن ورامىشىلىك اۋماقتاردى تازالاۋ, ساياباقتار مەن سكۆەرلەردەگى جاسىل جەلەكتەردى كۇتۋ بويىنشا ماۋسىمدىق اگروتەحنيكالىق جۇمىستار, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ جونىندەگى ءىس-شارالار, رۇقسات ەتىلمەگەن قوقىستاردى جويۋ جۇرگىزىلەدى.
سونداي-اق اكتسيا اياسىندا 270 مىڭنان استام جاسىل جەلەك وتىرعىزۋ جوسپارلانىپ وتىر.
«قالا كاسىپورىندارىنىڭ, ميب (پيك), شاعىن جانە ورتا بيزنەس سۋبەكتىلەرىنىڭ (بازارلار, ساۋدا ويىن-ساۋىق ورتالىقتارى جانە باسقالار), وقۋ ورىندارىنىڭ, ەرىكتىلەر مەن بارلىق بەي-جاي قارامايتىن ازاماتتاردى ەكولوگيالىق ايلىققا قاتىسۋعا شاقىرامىز. ەلوردا تۇرعىندارى مەن قوناقتارىن ورامىشىلىك ء(ۇي ماڭىنداعى) اۋماقتاردى تازالاۋعا شاقىرامىز», دەلىنگەن اكىمدىك حابارلاماسىندا.
ەسكە سالايىق, مەملەكەت باسشىسى ءوز ۇندەۋىندە كوشەلەردى تازارتۋ, ەلدى مەكەندەردىڭ اۋماقتارىن كوگالداندىرۋ جانە اباتتاندىرۋ, سونداي-اق جولداردى رەتكە كەلتىرۋ جونىندەگى ناۋقاندى جۇرگىزۋدىڭ ماڭىزدىلىعىن اتاپ ءوتتى.
