وسىلايشا ءبىر اي ىشىندە الماتى قالالىق موبيلدىلىك باسقارماسى مەن اۋدان اكىمدىكتەرى 480 باعدارشام, 1 765 ايالداما پاۆيلونىن رەتكە كەلتىرىپ, 300 مىڭ شارشى مەتر جولعا جوندەۋ جۇمىستارىن جۇرگىزەدى.
قالا قۇرىلىسىن باقىلاۋ جانە قۇرىلىس باسقارمالارى وبەكتىلەردى قۇرىلىس الاڭدارىنىڭ نورمالارىنا سايكەس كەلتىرۋ, اتاپ ايتقاندا اباتتاندىرۋ قاعيدالارى مەن سانيتارلىق نورمالاردى ساقتاۋ بولىگىندە جۇمىس جۇرگىزەتىن بولادى.
«الماتى – ءبىزدىڭ ورتاق ءۇيىمىز» ناۋقانى 8 ساۋىردەن باستاپ ءبىر اي ىشىندە مەگاپوليستە وتەدى. شارا جەتى كۇنگە سوزىلاتىن بىرنەشە كەزەڭنەن تۇرادى.
ءبىرىنشى كەزەڭ – ء«بىزدىڭ قالا — ءبىزدىڭ كوشەلەر» باعىتى بويىنشا وتەدى. ول 14 ساۋىرگە دەيىن وتەدى. جوسپارلانعان جۇمىستار شەڭبەرىندە جولداردى ورتاشا جوندەۋ, قيراعان ۋچاسكەلەردى قالپىنا كەلتىرۋ, قاجەت بولعان جاعدايدا جيەكتەردى اۋىستىرۋ, ايالداما كەشەندەرىن تازالاۋ, جەرۇستى مەن جەراستى وتكەلدەرىن جۋ, توسەمدەردى قالپىنا كەلتىرۋ جانە تاعى باسقالار كوزدەلگەن.
ءبىلىم بەرۋ باعىتىنا ەرەكشە ءمان بەرىلەدى. كەڭ اۋقىمدى اكتسيا اياسىندا ەكولوگيا تۋرالى ءفيلمنىڭ تەگىن كورسەتىلىمى, قوقىس سۇرىپتاۋ كەشەنىنە «قوقىستى دۇرىس سۇرىپتا» تۋرى, وقۋشىلار اراسىندا پىكىرتالاس, سونداي-اق قالانىڭ ەكولوگيالىق ماسەلەلەرىن شەشۋگە باعىتتالعان ستارتاپ-جوبالار بايقاۋى وتەدى.
كوكتەمگى جاڭارتۋعا بارشا بەي-جاي قارامايتىن قالا تۇرعىندارى قاتىسا الادى. ولار ءوز اۋلالارى مەن ىرگەلەس اۋماقتاردى رەتكە كەلتىرەدى. سوندىقتان ەكىنشى كەزەڭ ء«بىزدىڭ قالا – ءبىزدىڭ اۋلا, ءبىزدىڭ ءۇي» دەپ اتالۋى كەزدەيسوق ەمەس. قالا تۇرعىندارى 20 ساۋىردە جوسپارلانعان سەنبىلىك-اعاش وتىرعىزۋعا, قورشاۋلار مەن ورىندىقتاردى بوياۋعا بەلسەندى قاتىسۋ ارقىلى وزدەرىنىڭ ازاماتتىق جاۋاپكەرشىلىگىن كورسەتە الادى. مەگاپوليستە العاش رەت «قوقىستى ءبىر ستاقان كوفەگە ايىرباستاۋ» اكتسياسى وتەدى. سونداي-اق, «ۇزدىك اۋلا», «ۇزدىك اۋلا سىپىرۋشى» جانە «كوممۋنالدىق قىزمەتتىڭ ۇزدىك قىزمەتكەرى» بايقاۋلارىن وتكىزۋ جوسپارلانعان.
ناۋقاننىڭ كەلەسى كەزەڭى – ء«بىزدىڭ قالا – ءبىزدىڭ تاۋلار, وزەندەر مەن كولدەر» - جاعالاۋلار مەن سۋ ايدىندارىن, ساياباقتاردى, سكۆەرلەر مەن تاۋ بوكتەرىن تازارتۋعا باعىتتالعان.
جوبانىڭ قورىتىندى سوڭعى اككوردى قالالىق سەنبىلىكتەر, كوشەتتەر مەن گۇلدەر وتىرعىزۋ, «تازالىق جانە دەنساۋلىق كۇنى» مارافونى, تانىمدىق ەكسكۋرسيالار, سونداي-اق سۋبۇرقاقتار كۇنىن قامتيتىن ء«بىزدىڭ قالا — ءبىزدىڭ ماقتانىشىمىز» اكتسياسى بولادى.
قالانى ەڭ تازا ءارى جايلى ەتۋگە دەگەن ۇمتىلىس ءار تۇرعىننىڭ بورىشى. بىرلەسە اتقارعان جۇمىس ءاردايىم جەڭىل. باستاماعا كاسىپكەرلەر, مادەنيەت پەن سپورت جۇلدىزدارى, سونداي-اق قوعام قايراتكەرلەرى قولداۋ ءبىلدىردى.
ەستەرىڭىزگە سالا كەتەيىك, 8 ساۋىردە «الماتى – ءبىزدىڭ ورتاق ءۇيىمىز» ناۋقانى باستالدى. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا, الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق, ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە, پلاكاتتاردا جانە افيشالاردا كىرۋگە بولادى.فى
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا, الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق ۆەب-سايتقا قالا بويىنشا باننەرلەردە, پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
الەۋمەتتىك مەديا ناۋقانىنىڭ بەلسەندى قاتىسۋشىلارىنا ارنالعان حەشتەگتەر:
#الماتىناشوبششيدوم, #ناسمنوگوگورودودين, #الماتىبىزدىڭورتاقۇيىمىز, #بىزكوپپىزقالاجالعىز.
