فوتو: AMANAT پارتياسىنىڭ ءباسپاسوز قىزمەتىنەن
وسىناۋ قيىن-قىستاۋ كەزەڭدە قازاق حالقى ءبىر جاعادان باس, ءبىر جەڭنەن قول شىعارىپ جاتقانى ءسال دە بولسا جانعا جىلۋلىق ۇيالاتادى. تاسقىنعا بايلانىستى اباي, اقمولا, اقتوبە, اتىراۋ, باتىس قازاقستان, قاراعاندى, قوستاناي, پاۆلودار, سولتۇستىك قازاقستان, ۇلىتاۋ وبلىستارىندا توتەنشە جاعداي جاريالانعانى بەلگىلى. باسقا وڭىرلەردىڭ بەلسەندى جاقسىلارى تۇس-تۇستان جىلۋ جيناپ, قارجىلاي بولسىن, زاتتاي بولسىن كومەكتەسىپ جاتىر.
ەلىمىزگە تاعى ءبىر سىناق بولعان بۇل جاعدايدى باۋىرلاس ەلدەر دە نازاردان تىس قالدىرمادى. ماسەلەن, جاقىندا عانا قىرعىز رەسپۋبليكاسى قازاقستانعا 15 فۋرا باستاماشىل گۋمانيتارلىق كومەك جولدادى. قىرعىزستان مينيسترلەر كابينەتى گۋمانيتارلىق كومەككە 40 ميلليون سوم ءبولدى.
سۋ تاسقىنى سالدارىنان زارداپ شەككەن ازاماتتارعا ارنالعان جۇكتى قىرعىز رەسپۋبليكاسى تجم ۆيتسە-ءمينيسترى ۋرماتبەك شامىرقانوۆ الىپ ءجۇردى.
جامبىل وبلىسىنا جەتكەن 15 فۋرانىڭ ىشىنە ازىق-ت ۇلىك, كيىم-كەشەك, توسەك-ورىن جابدىقتارى, جىلىتقىشتار جانە باسقا دا قاجەتتى زاتتار تيەلگەن. ەندى بۇل گۋمانيتارلىق جۇك اتىراۋ, اقتوبە, باتىس قازاقستان جانە قوستاناي وبلىستارىنىڭ تۇرعىندارى اراسىندا ءبولىنىپ, دەرەۋ جىبەرىلىپ جاتىر.
بۇگىن تۇركيا رەسپۋبليكاسىنىڭ ەلشىلىگى قازاقستانداعى سۋ تاسقىنىنان زارداپ شەگىپ جاتقان وڭىرلەرگە گۋمانيتارلىق كومەك جىبەرگەنىن حابارلادى.
ال الماتىداعى تۇركيانىڭ باس كونسۋلى موگاپوليستەگى تۇركيالىق كومپانيالاردى جيناپ, توتەنشە جاعداي رەجيمى جاريالانعان وڭىرلەرگە قاجەتتى زاتتاردى جىبەردى.
اتالعان قايىرىمدىلىق ءىس-شاراسىنا «تاۋەلسىز تاۋار وندىرۋشىلەر جانە كاسىپكەرلەر اسسوتسياتسياسى» قق باستاعان كومپانيالار اتسالىستى. تۇركيا رەسپۋبليكاسىنىڭ الماتى قالاسىنداعى باس كونسۋلى ەۆرەن مۇددەرريسوگلۋ ازىق-ت ۇلىك ونىمدەرى مەن كىلەمدەردەن تۇراتىن گۋمانيتارلىق كومەكتى المالى اۋدانىنىڭ كوميۋنيتي ورتالىعىنا جەتكىزدى.
«قازىرگى احۋال ءبىزدىڭ دە قابىرعامىزدى قايىستىرىپ وتىر. سەل اپاتىنان زارداپ شەككەن بارشا اعايىنمەن ءاردايىم بىرگەمىز. ولارعا قىمباتتى مۋسياد مۇشەلەرى, مەتسەناتتار گۋمانيتارلىق كومەك جونەلتىپ جاتىر. گۋمانيتارلىق كومەك - 110 جاشىك ازىق-ت ۇلىك جانە 40 دانا كىلەمنەن تۇرادى. ءبىز زارداپ شەككەن ازاماتتارمەن بىرگەمىز», دەدى ەۆرەن مۇددەرريسوگلۋ.
قازىرگى ۋاقىتتا 10 وبلىستا, اتاپ ايتقاندا: اقمولا, اقتوبە, اتىراۋ, قاراعاندى, قوستاناي, پاۆلودار, باتىس قازاقستان, سولتۇستىك قازاقستان, سونداي-اق اباي جانە ۇلىتاۋ وبلىستارىندا توتەنشە جاعداي رەجيمى ساقتالىپ وتىر.
اۆاريالىق-قۇتقارۋ جۇمىستارىنا 12 مىڭنان استام ادام, 800-دەن استام تەحنيكا, 400-گە جۋىق سۋ ايداۋ جانە ءجۇزۋ قۇرالى جۇمىلدىرىلدى. ال قىزىل سۋ باسقان ايماقتاردان 70 مىڭنان استام ادام ەۆاكۋاتسيالاندى.
