قاراجات Biz Birgemiz Qazaqstan قوعامدىق قورىنا, جولداردى جوندەۋگە, قۇتقارۋ تىكۇشاقتارىنىڭ جۇمىسىن قامتاماسىز ەتۋگە, گەنەراتورلار, سورعىلار, ۇرلەمەلى قايىقتار مەن ءدارى-دارمەكتەر ساتىپ الۋعا جىبەرىلەدى.
«مەن سۋ تاسقىنىنان زارداپ شەككەن اۋدانداردا ءجۇرمىن. اپاتتىڭ اۋقىمىن كورىپ وتىرمىن. ءبىز سۋ تاسقىنىنان زارداپ شەككەن بارلىق ايماقتارعا تەحنيكا ۇسىنعان جالعىز قورمىز. بىزگە گەنەراتورلار, سورعىلار, ۇرلەمەلى قايىقتار, ۇلكەن موتورلى قايىقتار, قولشامدار, كۇرەكتەر, قاپتار كەرەك. ولاردىڭ ءبىراز بولىگىن ساتىپ الدىق, قالعان تەحنيكانى بىزگە قارىزعا بەردى. ءبىز بۇل قاراجاتتىڭ ءدال قازىر قاجەت ەكەنىن ءتۇسىنىپ, Kaspi.kz-تەن تاعى دا قوسىمشا كومەك سۇرادىق. الىنعان زاتتاردىڭ اقىسىن تولەۋ ءۇشىن بىزگە 500 ميلليون تەڭگە قاجەت بولدى. ءاربىر قازاقستاندىققا قايىرىمدىلىقتارىڭىز ءۇشىن جانە Kaspi.kz بىزبەن ۇنەمى بايلانىستا بولىپ, بارلىق قاجەتتى كومەكتى كورسەتىپ جاتقانى ءۇشىن العىس ايتامىز. بۇل كومەككە باعا جەتپەيدى, مۇنىڭ ارقاسىندا ءبىز زارداپ شەككەن وتباسىلارعا كومەكتى جالعاستىرا الامىز!», دەيدى Biz Birgemiz Qazaqstan قق توراعاسى پەريزات قايرات.
ايتا كەتەيىك, Biz Birgemiz Qazaqstan قوعامدىق قورى 2020 جىلى قۇرىلعان. قور Covid-19 پاندەمياسى كەزىندە قازاقستاندىقتارعا كومەك كورسەتتى. ارىس قالاسىندا ورىن العان توتەنشە جاعداي مەن سەمەيدەگى ورمان ورتىنەن زارداپ شەككەندەرگە كومەكتەستى, سونداي-اق ەرەكشە بالالارى بار وتباسىلاردى تۇراقتى قولدايدى.
ناۋرىز ايىنىڭ سوڭىندا Kaspi كومانداسى Kaspi.kz قوسىمشاسىندا ونلاين قىزمەت ۇيىمداستىرعان. ول ارقىلى جاعدايعا بەي-جاي قاراي المايتىن ءاربىر قازاقستاندىق زارداپ شەككەندەرگە كومەكتەسۋ ءۇشىن «Biz Birgemiz Qazaqstan» قورىنا قاراجات اۋدارا الادى. قازىرگى ۋاقىتتا قورعا 100 مىڭنان استام قازاقستاندىقتان 145 ميلليون تەڭگەدەن استام قاراجات كەلىپ تۇسكەن.
سونداي-اق, Kaspi.kz سۇيىكتى كليەنتتەرى مەن سەرىكتەستەرىنە كومەكتەسەدى جانە مۇقتاج ادامدارعا نەسيەنى كەيىنگە قالدىرۋ مەن ەسەپتەن شىعارۋدى ۇسىنادى. بانك ەلدەگى جاعدايدى ءجىتى قاداعالاپ, كومەك كورسەتۋدى جالعاستىرماق.
