قوعام • 08 ءساۋىر, 2024

باتىستا زارداپ شەككەن 481 وتباسى بىرجولعى تولەم الدى

97 رەت
كورسەتىلدى
1 مين
وقۋ ءۇشىن

باتىس قازاقستان وبلىسىندا سۋ تاسقىنىنان زارداپ شەككەن 481 وتباسىنا 89 ملن تەڭگەگە بىرجولعى تولەم اۋدارىلدى. بۇل تۋرالى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ مالىمدەدى, دەپ جازادى Egemen.kz.

باتىستا زارداپ شەككەن 481 وتباسى بىرجولعى تولەم الدى

فوتو: mail.kz

وبلىستا سۋ تاسقىنى كەزەڭى باستالعالى بەرى 3 700-گە جۋىق تۇرعىن ەۆاكۋاتسيالىق ورتالىقتارعا جەتكىزىلدى, ولاردىڭ 2 700-گە جۋىعى ءوز ۇيلەرىنە ورالدى.

«قازىر وبلىس تۇرعىندارىنا كەلتىرىلگەن ماتەريالدىق شىعىندى ەسەپتەۋ جۇمىستارى ءجۇرىپ جاتىر. اتالعان جۇمىستار شەڭبەرىندە 581 تۇرعىن ءۇيدىڭ 236-سىنا تەحنيكالىق تەكسەرۋ جۇرگىزىلدى. بۇل جۇمىس ءالى دە جالعاسادى. سۋ تاسقىنىنان زارداپ شەككەن 481 وتباسىنا 89 ملن تەڭگەگە بىررەتتىك تولەم بەرىلدى», دەيدى ۆيتسە-پرەمەر.

ۆيتسە-پرەمەر الداعى ۋاقىتتا تولەمدەر جالعاساتىنىن ايتتى.

وسى ورايدا نۇرلان بايبازاروۆ سۋ تاسقىنىنىڭ ەكىنشى كەزەڭى تۇرعىندارعا قيىندىق تۋعىزباۋ قاجەت ەكەنىن ايتتى.

سوڭعى جاڭالىقتار