سونىمەن تەحنيكانىڭ ەنەرگيا تۇتىنۋداعى تيىمدىلىك دەڭگەيىن قالاي انىقتاۋعا بولادى؟ ءوندىرۋشى قۇرىلعى ەلەكتر قۋاتىن قانشالىقتى ءتيىمدى پايدالاناتىنى تۋرالى بارلىق اقپاراتتى ونىڭ تەحنيكالىق پاسپورتىندا مىندەتتى تۇردە كورسەتەدى. بىراق ءسىز قاجەتتى دەرەكتەردى تەحنيكانىڭ وزىنە تىكەلەي ورنالاستىرىلعان ارنايى جاپسىرماعا قاراپ جىلدام انىقتاي الاسىز. شاعىن جادىنامادا كەلەسىدەي مالىمەتتەر جازىلۋعا ءتيىس:
قۋات تۇتىنۋ كلاسى – بۇل پارامەتردى بەلگىلەۋ ءۇشىن A+++ (ەڭ جوعارى كلاسس) – D (ەڭ تومەنگى كلاسس) ارىپتىك شكالاسى قولدانىلادى. بەلگى نەعۇرلىم جوعارى بولسا, قۇرىلعى جۇمىس ىستەۋ ءۇشىن سوعۇرلىم از ەلەكتر ەنەرگياسىن جۇمسايدى.
ورتاشا ەلەكتر ەنەرگياسىن تۇتىنۋ – جاپسىرمادا تەحنيكانىڭ ءبىر ساعاتتىق جۇمىس ءۇشىن قانشا كيلوۆاتت ەنەرگيا جۇمسايتىندىعى كورسەتىلگەن (كۆت/ساع). قوسىمشا مالىمەتتەر – بۇل جاپسىرمادا قۇرىلعىنىڭ شۋ دەڭگەيى, ونىڭ قۋاتى, سىيىمدىلىعى مەن باسقا سيپاتتامالارى تۋرالى اقپارات بولۋى مۇمكىن.
تەحنيكا تاڭداعاندا, جاپسىرمالارداعى مالىمەتتەردى زەرتتەپ, ولاردى سالىستىرۋ ماڭىزدى. مىسالى, ونەركاسىپتىك توڭازىتقىش تيىمدىلىكتىڭ ەڭ جوعارى كلاسىنا يە بولعان جاعدايدا دا تۇرمىستىق توڭازىتقىشقا قاراعاندا ەنەرگيانى كوبىرەك جۇمسايدى. ەسكى تۇرمىستىق تەحنيكا ەلەكتر قۋاتىن تولىعىمەن جۇمسايدى, سودان كەيىن ول تولەمدەردە كورىنەدى. ساراپشىلار جىلىتۋ جانە سۋ جىلىتۋ قۇرىلعىلارىن ەڭ «قوماعاي» تەحنيكا دەپ اتايدى.
سونداي-اق ساپالى تەحنيكا ەشقاشان ارزان بولعان ەمەس, بىراق شىعىنداردى ازايتۋدىڭ بىرنەشە ايلاسى بار:
جاپپاي ساتىلىم, اكتسيالاردى قاداعالاۋ – دۇكەندەر مەرەكە, ساتۋ نۇكتەسىنىڭ «تۋعان كۇنىنە» مەن باسقا دا ايتۋلى وقيعالارعا وراي, جاپپاي ساتىلىمدار ۇيىمداستىرىپ, باعالارىن ارزانداتادى.
تەحنولوگيانى ايىرباستاۋ مۇمكىندىگىن ىزدەۋ – كەيبىر برەندتەر جاڭالارىن ساتىپ الۋعا جەڭىلدىكتى ۇسىنا وتىرىپ, ەسكى قۇرىلعىلاردى تاپسىرۋدى ۇسىنادى. مۇنداي قىزمەت قاجەتسىز قوندىرعىلاردان قۇتىلىپ, جاڭاسىنا قول جەتكىزۋگە كومەكتەسەدى.
ەسكى تەحنيكانى ساتۋ – كادەگە اسپاي تۇرعان تەحنيكالاردى ەسكىرمەي ساتۋ ارقىلى جاڭاسىن ساتىپ الۋعا اقشا تابا الاسىز. ول ءۇشىن ەلىمىزدىڭ بارلىق اۋماعىنداعى كوميسسيالىق دۇكەندەرگە جۇگىنۋگە بولادى.
كوميسسيالىق دۇكەندەر – بۇل پايدالانىلعان تەحنيكانى وتە جاقسى جاعدايدا ساتىپ الاتىن ۇتىمدى نۇكتە. ويتكەنى ادامدار كوشكەن كەزدە كوبىنەسە تۇرمىستىق تەحنيكاسىن ساتادى نەمەسە اۋىر دۇنيەلەرىن تاسىعىسى كەلمەيدى, ياكي ءۇي جيھازدارىن تولىعىمەن جاڭارتىپ, جوندەۋ جۇمىستارىن جۇرگىزەدى. مۇنداي جاعدايدا ساتىلىمعا تولىقتاي جارامدى تەحنيكالار تۇسسە, ولاردىڭ اراسىندا ەنەرگيا تيىمدىلىگى جوعارى نۇسقالارى دا كەزدەسەدى.
