فوتو: Bild
«پولشانىڭ قازىرگى پرەزيدەنتى كارول ناۆروتسكي ءساتتى سايلانعانىنا جانە مەنىڭ ونى ماقتانىشپەن قولداعانىما, سونداي-اق ءبىزدىڭ قارىم-قاتىناسىمىزعا بايلانىستى, امەريكا قۇراما شتاتتارى پولشاعا قوسىمشا 5000 سارباز جىبەرەتىنىن قۋانا حابارلايمىن», دەپ جازدى ترامپ الەۋمەتتىك جەلىدە.
الايدا ترامپتىڭ مۇنداي شەشىمدى نەگە ءدال قازىر جاريالاعانى تۇسىنىكسىز كۇيىندە قالىپ وتىر. سەبەبى پولشا پرەزيدەنتى كارول ناۆروتسكي بۇل قىزمەتتى 2025 جىلدىڭ تامىز ايىنان بەرى اتقارىپ كەلەدى.
بۇعان دەيىن ۆارشاۆا مەن ۆاشينگتون اراسىنداعى احۋال مۇلدە باسقاشا بولعان ەدى. اقش پولشاعا الدىن الا جوسپارلانعان 4000 امەريكالىق اسكەري قىزمەتكەردى جىبەرۋدى كۇتپەگەن جەردەن توقتاتىپ, بۇل قادام پولشا ۇكىمەتىنىڭ نارازىلىعى مەن الاڭداۋشىلىعىن تۋدىرعان.
ۆارشاۆامەن شۇعىل تەلەفون ارقىلى سويلەسۋ بارىسىندا اقش قورعانىس ءمينيسترى پيت حەگسەت اقش-تىڭ پولشا قاۋىپسىزدىگى جونىندەگى مىندەتتەمەلەرى وزگەرمەيتىنىن مالىمدەدى.
ايتا كەتەيىك, اقش-تىڭ ادىلەت مينيسترلىگى كۋبانىڭ بۇرىنعى كوشباسشىسى راۋل كاستروعا سىرتتاي ايىپ تاعىلعانىن حابارلادى. 94 جاستاعى راۋل كاسترو جانە تاعى بەس ادام امەريكالىق ازاماتتاردى ءولتىرۋ, كىسى ولتىرۋگە ءسوز بايلاسۋ جانە بەيبىت ۇشاقتاردى جويۋ بويىنشا ايىپتالىپ وتىر.
