فوتو: ۇكىمەتتىڭ ءباسپاسوز قىزمەتى
ولجاس بەكتەنوۆ قۇلسارى قالاسى تۇرعىندارىمەن سويلەسىپ, ولاردىڭ قابىلدانىپ جاتقان شارالاردى كۇشەيتۋ بويىنشا سۇراقتارىنا جاۋاپ بەردى.
سونداي-اق جايىق, جەم وزەندەرى جاعدايىمەن تانىستى. جىلىوي, قىزىلقوعا اۋداندارىندا جەرگىلىكتى اۋقىمداعى تابيعي سيپاتتاعى تج رەجيمى ساقتالىپ وتىر. بۇگىندە قىزىلقوعا اۋدانىنداعى ميالى, اققورا, جانگەلدين, جاسقايرات, كوزدىقارا اۋىلدارىندا قاۋىپ-قاتەردىڭ بەتى قايتتى.
اقتوبە وبلىسى ويىل اۋدانى جاعىنان جەم وزەنى دەڭگەيىنىڭ كوتەرىلۋىنە بايلانىستى جىلىوي اۋدانى قۇلسارى قالاسىن سۋ باسقان. 28 551 ادام ەۆاكۋاتسيالاندى.
وڭىردە كەلەتىن سۋ كولەمىن ازايتۋ ءۇشىن جەم وزەنىنىڭ ساعاسى ءۇش جاعىنان قازىلدى, سونداي-اق جەم وزەنى بويىندا ورنالاسقان جاساندى بوگەتتەر بۇزىلدى. بۇل وزەن ارناسىنىڭ باعىتىن وزگەرتۋگە جانە سۋدىڭ كەدەرگىسىز اعۋىن قامتاماسىز ەتۋگە, ونىڭ كاسپي تەڭىزىنە قاراي وتكىزۋ قابىلەتىن ۇلعايتۋعا جانە سۋ تاسقىنى قاۋپىن ازايتۋعا مۇمكىندىك بەرەدى.
ءوز كەزەگىندە تۇرعىندار مەن ۆولونتەرلەر تۇرعىن ءۇي سەكتورىن سۋ باسۋىنا جول بەرمەۋ بويىنشا جۇمىستار جۇرگىزىپ جاتىر.
