فوتو: وكق
ونىڭ ايتۋىنشا 63 927 ادام قۇتقارىلدى جانە ەۆاكۋاتسيالاندى, ونىڭ ىشىندە 45 مۇمكىندىگى شەكتەۋلى ادام, 15 283 بالا بار. ۋاقىتشا ورنالاستىرۋ پۋنكتتەرىنە 13 328 ادام جەتكىزىلدى, ونىڭ 6 742-ءسى بالا. ولارمەن پسيحولوگتار جۇمىس ىستەپ جاتىر. بارلىق قاجەتتى كومەك كورسەتىلەدى.
سونىمەن قاتار 10 068 باس اۋىل شارۋاشىلىعى جانۋارلارى قاۋىپسىز قاشىقتىققا ايدالدى.
ۇشقىشتاردىڭ شەبەرلىگى ارقاسىندا 2 607 ادام قۇتقارىلدى, ونىڭ ىشىندە 760 بالا بار. تاۋلىگىنە 243 ادام قۇتقارىلدى. قۇتقارۋ وپەراتسياسى قيىن جاعدايدا ءوتىپ, ادامداردى ۇيلەردىڭ توبەسىنەن ەۆاكۋاتسيالاۋعا ارنايى تەحنيكا جانە لەبەدكالاردى پايدالانۋ قاجەت بولعان.
96 توننادان استام گۋمانيتارلىق جۇك جەتكىزىلگەن, 7 ملن 300 تەكشە مەتر ەرىگەن سۋ تارتىلعان. 921 مىڭنان استام قاپشىق جانە 970 مىڭ توننا ينەرتتى ماتەريالدار توسەلگەن.
اۆاريالىق-قۇتقارۋ جۇمىستارىنا 8789 ادام, 1756 بىرلىك تەحنيكا, 415 سۋ ايداۋ جانە 65 ءجۇزۋ قۇرالدارى جۇمىلدىرىلدى. 12 اۋە كەمەسى جاۋىنگەرلىك كەزەكشىلىكتە ءجۇر.
ەلىمىزدىڭ 10 وڭىرىندە اكىمدىكتەر جەرگىلىكتى توتەنشە جاعداي جاريالادى. سەنىم تەلەفونىنا 973 قوڭىراۋ تۇسكەن. بارلىق وڭىردە تاۋلىك بويى جەدەل شتابتار جۇمىس ىستەپ تۇر.
