ۇكىمەتتىڭ ءباسپاسوز قىزمەتىنىڭ حابارلاۋىنشا, مەملەكەت باسشىسى قاسىم-جومارت توقاەۆتىڭ تاپسىرماسى بويىنشا سۋ تاسقىنى جاعدايىن تۇراقتاندىرۋ ءۇشىن پرەمەر-مينيستر مەن ۆيتسە-پرەمەرلەر سۋ تاسقىنىنا بايلانىستى اسا كۇردەلى احۋال قالىپتاسىپ وتىرعان وڭىرلەردە جۇمىس ىستەپ جاتىر.
پرەمەر-مينيستر, سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ سالدارىن جويۋ جونىندەگى رەسپۋبليكالىق شتابتىڭ جەتەكشىسى ولجاس بەكتەنوۆ قازىر – قوستاناي وبلىسىندا.
پرەمەر-ءمينيستردىڭ ءبىرىنشى ورىنباسارى رومان سكليار سولتۇستىك قازاقستان وبلىسىنا اتتاندى.
پرەمەر-ءمينيستردىڭ ورىنباسارلارى سەرىك جۇمانعارين اقتوبە وبلىسىنا, نۇرلان بايبازاروۆ باتىس قازاقستان وبلىسىنا جىبەرىلدى.
ءساۋىردىڭ 5-نەن 6-نا قاراعان ءتۇنى پرەمەر-ءمينيستردىڭ ورىنباسارى قانات بوزىمباەۆ اتىراۋ وبلىسىنا ۇشىپ باردى.
بۇعان دەيىن ولجاس بەكتەنوۆ اقتوبە وبلىسىنداعى سۋ تاسقىنىنىڭ سالدارىن جويۋ جونىندەگى جۇمىستاردى, سونداي-اق شىعىس قازاقستان وبلىسىنىڭ سۋ تاسقىنىنا دايىندىعىن تەكسەرگەن بولاتىن.
