فوتو: كەڭ جىلىوي گازەتى
اكىمنىڭ ايتۋىنشا, اتىراۋ وبلىسىنىڭ اۋماعىندا بەس وزەن بار. ونىڭ ۇشەۋى باستاۋىن اقتوبە وبلىسىنان الادى. ال, ەكى وزەن رەسەي فەدەراتسياسىنان باستالادى.
«قازىر اقتوبە وڭىرىنەن باستاۋ الاتىن ەكى وزەننەن ەلدى مەكەندەرگە قاۋىپ سەيىلدى. بۇل – ساعىز جانە ويىل وزەندەرى. ال, جەم وزەنى ءوزىنىڭ ارناسىنان استى. سونىڭ سالدارىنان قۇلسارى قالاسىنىڭ ەكى شاعىن اۋدانىنا تاسقىن سۋ كىردى. تاسقىن سۋ تۇرعىن ۇيلەردى, بيزنەس نىساندارىن باستى. زارداپ شەككەن تۇرعىنداردىڭ شىعىنى وتەلەدى», دەدى سەرىك شاپكەنوۆ.
قازىر وبلىس اكىمىنىڭ تاپسىرماسىمەن جىلىوي اۋدانىنىڭ اكىمدىگىندە ارنايى كوميسسيا قۇرىلعان. سۋ تاسقىنى توقتاعاننان كەيىن ارنايى كوميسسيا زەردەلەۋ قورىتىندىسى شىعارادى.
«پرەزيدەنتتىڭ ارنايى تاپسىرماسىنا سايكەس, تاسقىن سۋدان زارداپ شەككەندەردىڭ بارىنە قولداۋ كورسەتەمىز. وكىنىشكە قاراي, قاۋىپ ءالى دە بار. قازىر اتىراۋ وبلىسىندا سۋ تاسقىنىنا بايلانىستى جاعداي وتە كۇردەلى», دەدى سەرىك شاپكەنوۆ.
