فوتو: Pixabay / Leonhard_Niederwimmer
امەريكانىڭ شىعىس جاعالاۋىندا جەر سىلكىنىسى سيرەك كەزدەسەدى جانە بۇل نيۋ-يورك قالاسىندا سوڭعى ونجىلدىقتارداعى ەڭ كۇشتى جەر سىلكىنىسى بولدى.
الەۋمەتتىك جەلى قولدانۋشىلارى جەر سىلكىنىسى فيلادەلفيادان نيۋ-يورككە دەيىن جانە شىعىس جاعالاۋدا بوستونعا دەيىن سەزىلگەنىن حابارلادى.
وتكەن جىلى بۋففالودا (نيۋ-يورك) 6 اقپاندا ماگنيتۋداسى 3,8 بالدىق جەر سىلكىنىسى بولدى, بىراق بۇل ايماقتا 40 جىل بويى مۇنداي كۇشتى جەر سىلكىنىسى بولماعان.
1983 جىلى نيۋ-يورك شتاتىنىڭ وڭتۇستىگىندەگى نيۋكومبتا 5,1 بالدىق جەر سىلكىنىسى بولدى.
نيۋ-يورك قالاسىنىڭ مەرى ەريك ادامس بۇگىنگى جەر سىلكىنىسىنىڭ اۋىر زارداپتارى تۋرالى مالىمەت جوق ەكەنىن ايتتى.
جەر سىلكىنىسى سالدارىنان نيۋ-يوركتىڭ بىرنەشە اۋەجايى جۇمىسىن ۋاقىتشا توقتاتتى.
نيۋ-دجەرسيدەگى دجون كەننەدي حالىقارالىق اۋەجايى مەن نيۋارك اۋەجايىندا رەيستەر توقتاتىلدى. بىراق رەيستەر قازىردىڭ وزىندە قايتا جانداندى.
نيۋ-يوركتەگى لاگۋارديا اۋەجايىندا دا كەشىگۋلەر بايقالدى.
نيۋ-يورك گۋبەرناتورى كەتي حوچۋل جەر سىلكىنىسىنىڭ اۋىرلىعىنا توقتالدى, بىراق «ومىرگە قاۋىپ توندىرەتىن جاعدايدىڭ» انىقتالماعانىن جانە ونىڭ كومانداسى شتاتتىڭ ينفراقۇرىلىمىن تەكسەرىپ جاتقانىن ايتتى.
