فوتو: ۆيدەوسكرين
«جەم وزەنى ارناسىنان اسىپ, تاسىدى. وسىعان بايلانىستى اۋداندىق جەدەل شتاب قۇلسارى قالاسىنداعى 2 جانە 3-اۋىل تۇرعىندارىن قاۋىپسىز ايماققا كوشىرۋ تۋرالى شتاب شەشىم قابىلدادى. ءبىرىنشى كەزەكتە ايەلدەر, بالالار, ناۋقاس جاندار جانە I, II, III-توپتاعى مۇگەدەكتەر كوشىرىلەدى», دەپ حابارلادى اۋداندىق اكىمدىك.
ەۆاكۋاتسيالانعان تۇرعىندار ءۇشىن قۇلسارى قالاسىنداعى بىرنەشە مەكتەپتە قابىلداۋ پۋنكتى اشىلدى. تۇرعىندار №1, 5, 6, 8, 9, 16 جانە 18-ورتا مەكتەپكە ورنالاستىرىلادى.
«قاۋىپسىز ايماققا كوشىرۋ جاقىن جول جيەگىندە قويىلعان «باتىستەحينۆەست» جشس-ءنىڭ اۆتوبۋستارى ارقىلى جۇزەگە اسىرىلادى. تۇرعىنداردان وزىمەن بىرگە جەكە قۇجاتىن, شاعىن توسەك جانە باسقا قاجەتتى زاتتارىن الا بارۋى سۇرالادى», دەپ ءمالىم ەتتى اۋداندىق اكىمدىكتەن.
قۇلسارى قالاسىنداعى ورتالىق ستاديوننىڭ اۋماعىن, كوشەلەردى تاسقىن سۋ باستى.
