فوتو: استانا اكىمدىگى
رۋسلان احمەتوۆ جارىستان العان اسەرىن ءبولىسىپ, جاتتىقتىرۋشىسىنا العىس ءبىلدىردى.
«قارىسىلاستار وتە مىقتى بولدى. جارىستا بىرنەشە ەلدىڭ سپورتشىلارىمەن سىنعا ءتۇستىم. جەتىستىككە جەتۋىمە سەبەپكەر بولعان جاتتىقتىرۋشىما العىس بىلدىرەمىن. ول ماعان ۇلكەن ءۇمىت ارتاتىنىن ايتىپ, العا قاراي ورلەۋىمە دەم بەرەدى. بۇل الەم چەمپيوناتىنا باپكەرىم ەكەۋمىز 6 اي كولەمىندە دايىندالدىق. سونىڭ ناتيجەسىندە ەكىنشى ورىن الدىم. وتە قۋانىشتىمىن. الداعى ۋاقىتتا تاعى شىڭدالىپ, ەل نامىسىن ابىرويمەن قورعايمىز دەپ ويلايمىن. بۇل – تەك باستاماسى», دەدى الەم چەمپيوناتىنىڭ كۇمىس جۇلدەگەرى.
سۋردو تاەكۆوندو – جازعى سۋردوليمپيادالىق سپورت تۇرلەرىنىڭ ءبىرى. ەستۋ مۇمكىندىگى شەكتەۋلى جاندارعا ارنالعان تاەكۆوندو جارىستارى حالىقارالىق تاەكۆوندو فەدەراتسياسىنىڭ ەرەجەلەرىنە سايكەس وتكىزىلەدى. جازعى نەمەسە قىسقى سۋردوليمپيادا ويىندارى مەن الەم چەمپيوناتتارىنا, ايماقتىق چەمپيوناتتارعا جانە فەدەراتسيا ماقۇلداعان باسقا دا جارىستارعا تەك ەستۋ مۇمكىندىگى شەكتەۋلى جانە ناشار ەستيتىن سپورتشىلار قاتىسا الادى.
ايتا كەتسەك, بايراقتى باسەكەگە الەمنىڭ 20 ەلىنەن 190-نان استام سپورتشى قاتىستى. ال قازاقستان ساپىنان 22 سپورتشى باق سىنادى.
