اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, قۇلسارىدان دوسسور كەنتىنە دەيىنگى جول ارالىقتا كولىك قوزعالىسى توقتاتىلعان.
«اتىراۋ وبلىسىنىڭ اۋماعىنداعى رەسپۋبليكالىق ماڭىزى بار دوسسور-قۇلسارى-بەينەۋ تاسجولىنىڭ 103-شاقىرىمى تۇسىن سۋ باستى. بۇل – قۇلسارى قالاسىنان 20 شاقىرىمداعى تۇس. سول سەبەپتەن, جىلىوي اۋدانىنىڭ ورتالىعى قۇلسارى قالاسىنان ماقات اۋدانىنداعى دوسسور كەنتى ارالىعىنداعى جولدا كولىك قوزعالىسى تولىقتاي توقتاتىلدى. جول قالىپقا كەلگەنگە دەيىن بۇل باعىتتا جولعا شىقپاۋ قاجەت», دەپ حابارلادى دەپارتامەنتتىڭ ءباسپاسوز قىزمەتى.
