فوتو: primeminister.kz
قانات بوزىمباەۆ ايماق باسشىسى قۇمار اقساقالوۆپەن بىرگە امانگەلدى اۋدانى امانگەلدى اۋىلىنداعى سۋ باسقان ۇيلەردى ارالاپ, وبلىس ورتالىعىنا اپاراتىن جولداردىڭ جاعدايىن زەردەلەپ, حالىققا كومەك كورسەتەتىن ەرىكتىلەر ورتالىعىنا باردى. ورتالىقتىڭ ۇيىمداستىرۋشىسى ايبەك تاناباەۆ اۋدانعا گۋمانيتارلىق كومەكتىڭ ءالى دە كەلىپ جاتقانىن ايتتى. مۇندا 3 كۇن ىشىندە 20 توننادان استام ازىق-ت ۇلىك, كيىم-كەشەك جانە گيگيەنالىق قۇرالدار جەتكىزىلدى.
جانگەلدى اۋدانىندا قانات بوزىمباەۆ كولقامىس اۋىلىنداعى سۋ تاسقىنى بولعان جەرگە بارىپ, سونداي-اق قارعىن سۋدان زارداپ شەككەن كوكالات اۋىلىنىڭ تۇرعىندارىمەن كەزدەستى.
اۋداندى اۋەدەن باقىلاۋ بارىسىندا «ارقالىق – ەكىدىن» اۋداندىق ماڭىزى بار جولداعى اپاتتى كوپىرگە تەكسەرۋ جۇرگىزىلىپ, قالا اكىمى ەكىدىن كەنتىندەگى سۋ تاسقىنىنان قالىپتاسقان جاعداي تۋرالى باياندادى.
ءارى قاراي قانات بوزىمباەۆ پوليتەحنيكالىق كوللەدجدىڭ جاتاقحانا عيماراتىنداعى قۇتقارۋ پۋنكتىنە ورنالاستىرىلعان قىزىلجۇلدىز اۋىلىنىڭ تۇرعىندارىمەن كەزدەستى.
سۋ تاسقىنىنا قارسى شارالاردى ۇيلەستىرۋ جانە قارعىن سۋ ءجۇرۋ كەزەڭىنىڭ سالدارىن جويۋ جونىندەگى وبلىستىق جەدەل شتاب ارقالىق قالاسىندا ورنالاسقان. وبلىستىڭ بارلىق اۋماعىندا وبلىستىق, قالالىق جانە اۋداندىق جەدەل شتابتار جۇمىس ىستەيدى. شىعىندى باعالاۋ بويىنشا كوميسسيا قۇرىلدى.
قوستاناي وبلىسىنىڭ وڭتۇستىگىندەگى 75 جەكە تۇرعىن ءۇيدى سۋ باسقان. 13 سۋ شايعان جانە 7 ب ۇلىنگەن جول (1 كوپىر, 6 جول جامىلعىسى) باقىلاۋدا. 12 ەلدى مەكەندە كولىك قاتىناسى جوق. 1,2 مىڭ ادام ەۆاكۋاتسيالاندى, ولاردىڭ 408-ءى بالالار.
قارعىن سۋدى سورۋ, قاپتاردى توسەۋ جۇمىستارى جالعاسىپ جاتىر. سۋ تاسقىنى باستالعاننان بەرى 686,2 مىڭ تەكشە مەتردەن استام قارعىن سۋ سورىلىپ, 16 مىڭنان استام قاپ توسەلىپ, 1,3 مىڭ توننا ينەرتتى ماتەريال توگىلدى. قۇتقارۋ جۇمىستارىنا 1,7 مىڭ ادام, 517 بىرلىك تەحنيكا, 30 سۋدا ءجۇزۋ قۇرالى جانە 2 ۇشاق جۇمىلدىرىلعان.
جۇمىس ساپارى بارىسىندا قانات بوزىمباەۆ اۋدان جانە قالا اكىمدەرىمەن, وبلىستىق قىزمەتتەر مەن باسقارما باسشىلارىمەن بىرقاتار كەزدەسۋ وتكىزدى. ۆيتسە-پرەمەر اپاتتىق-قۇتقارۋ جۇمىستارىن ءارى قاراي جۇرگىزۋ, قۇتقارىلعان ادامداردى بارلىق قاجەتتى زاتتارمەن قامتاماسىز ەتۋ, شىعىندى باعالاۋ, ب ۇلىنگەن ۇيلەر مەن ينفراقۇرىلىمدى قالپىنا كەلتىرۋ بويىنشا بىرقاتار تاپسىرما بەردى.
«ادامداردىڭ قاۋىپسىزدىگىن قامتاماسىز ەتۋ جانە زارداپ شەككەندەرگە كومەك كورسەتۋ ءۇشىن بارلىق جاعدايدى جاساۋ كەرەك. سۋ تاسقىنىنىڭ زارداپتارىن جويۋ جۇمىستارى تاۋلىك بويى جۇرگىزىلۋگە ءتيىس. وڭىرلەردى قالپىنا كەلتىرۋ ءۇشىن بارلىق قاجەتتى رەسۋرستار بولىنەدى», دەپ قورىتىندىلادى شتاب باسشىسىنىڭ ورىنباسارى.
سونىمەن قاتار ۆيتسە-پرەمەر قانات بوزىمباەۆ پەن توتەنشە جاعدايلار ءمينيسترى شىڭعىس ءارىنوۆ اقمولا وبلىسىنىڭ سۋ باسۋ قاۋپى بار ايماقتارىن ارالاپ كوردى.
پرەمەر-ءمينيستردىڭ ورىنباسارى, توتەنشە جاعدايلار ءمينيسترى جانە اقمولا وبلىسىنىڭ اكىمى ەلوردا ماڭىنداعى اۋداندارداعى نۇرا, ەسىل وزەندەرى باسسەيندەرىندەگى سۋ اعىنىن تەكسەردى. سۋ تاسقىنىنىڭ ەكىنشى كەزەڭىنىڭ باستالۋىنا بايلانىستى وبلىستاعى جاعداي تۇراقتى تۇردە كۇردەلى دەپ باعالانىپ وتىر.
نۇرا, ەسىل, جاباي جانە كولۋتون تاۋلىك بويى وزەندەرىنىڭ سۋ دەڭگەيىن باقىلاۋ ءۇشىن بەكەتتەر قۇرىلدى. مۇز كەپتەلىستەرى قالىپتاسقان كەزدە ولاردى جويۋ ءۇشىن جارۋ جۇمىستارى جۇرگىزىلەدى. وڭىرگە استانا قالاسى اكىمدىگى مەن ەلوردالىق ۇيىمداردىڭ ارنايى تەحنيكاسى جىبەرىلىپ, تجم جانە ازاماتتىق قورعانىس اكادەمياسىنىڭ كۇشتەرى قايتا ورنالاستىرىلدى.
سۋ تاسقىنىنا قارسى ءىس-شارالار كەشەنى جىبەك جولى اۋىلىندا بەلسەندى تۇردە ىسكە اسىرىلىپ كەلەدى. ەلدى مەكەندى قورعاۋ ءۇشىن ينەرتتى ماتەريالى بار قاپشىقتار دايىندالىپ, 2 300 مەتر قورعانىس ءۇيىندىسىن نىعايتۋ جانە كۇشەيتۋ جۇمىستارى جۇرگىزىلىپ جاتىر.
ساپار تسەلينوگراد اۋدانى ر.قوشقارباەۆ اۋىلىندا ورنالاسقان نۇرا وزەنىنىڭ گيدروپوستتارىن ارالاۋمەن جالعاستى. ۆيتسە-پرەمەرگە ەرىگەن قارعىن سۋ قوزعالىسىنىڭ جاعدايى تۋرالى باياندالدى. گيدروپوستاردا تاۋلىك بويى باقىلاۋ جۇرگىزىلەدى. 3 ساۋىردەگى جاعداي بويىنشا وزەندەگى سۋ دەڭگەيىنىڭ تومەندەۋى بايقالادى.
قوسشى قالاسىنىڭ تايتوبە اۋىلىندا ۇزىندىعى 2 400 مەتر توپىراق ءۇيىندىسى قورعانىسىن نىعايتۋ جۇمىستارى جۇرگىزىلىپ جاتىر. تسەلينوگراد اۋدانىنداعى قاراوتكەل, قاراجار, تالاپكەر اۋىلدارىندا دا سۋ تاسقىنىنا قارسى ءىس-شارالار تەكسەرىلدى.
شتاب باسشىسىنىڭ ورىنباسارى وبلىس اكىمى مەن تجد باسشىسىنا ەلوردا ماڭىنداعى وڭىرلەردە سۋ تاسقىنىنان ءوتۋ ماسەلەسىن جەكە باقىلاۋعا الۋدى تاپسىردى. سونداي-اق قاۋىپ-قاتەردى جويۋعا باعىتتالعان بىرقاتار تاپسىرما بەرىلدى.
اقمولا وبلىسى بويىنشا سۋ تاسقىنىنا قارسى ءىس-شارالارعا بارلىعى 1 500-گە جۋىق ادام مەن 350 بىرلىك تەحنيكا جۇمىلدىرىلدى.
