فوتو: aikyn.kz
«بىرنەشە ءوڭىردى سۋ الىپ جاتقانى بارشامىزدىڭ قابىرعامىزدى قايىستىرىپ وتىر. ەلىمىز ءۇشىن, حالقىمىز ءۇشىن قولدان كەلگەن كومەكتى ايانىپ قالمايمىز. زارداپ شەككەن ايماقتارداعى ارىپتەستەرىمىزبەن حابارلاسىپ, قانداي قاجەتتى قۇرال-جابدىقتار كەرەك ەكەنىن سۇراپ, بىلگەن ەدىك. ولاردىڭ ءبىرىنشى سۇرانىسى – رەزەڭكە اياقكيىم بولدى. سەبەبى ازىق-ت ۇلىك, گيگيەنالىق زاتتار جەتكىلىكتى بولعانمەن, لايعا, سۋعا كيەتىن رەزەڭكە اياقكيىمدەر تاپشى كورىنەدى. وسىنى ەسكەرە وتىرىپ, «كۇشىمىز – بىرلىكتە» اكتسياسى اياسىندا پارتيالاستار مەن دەپۋتاتتىق فراكتسيا مۇشەلەرى 1 مىڭنان اسا رەزەڭكە ەتىك ساتىپ الىپ, العاشقى كومەك لەگىن جىبەردى. باستاماعا بارلىق اۋدان مەن قالاداعى پارتيالاستارىمىز تولىقتاي اتسالىستى. بۇل ءىس-شارا ودان ءارى دە جالعاسىن تابادى», دەيدى «AMANAT» پارتياسى الماتى وبلىستىق فيليالىنىڭ توراعاسى قۋات بايعودجاەۆ.
ايتا كەتۋ كەرەك, تابيعي اپات ايماعىنداعى تۇرعىندارعا كومەك قولىن سوزامىن دەگەن ۆولونتەرلەر مەن وبلىس تۇرعىندارى ءۇشىن «الاتاۋ جاستارى» كمم وبلىستىق ۆولونتەرلىك شتابى ساعات 09.00-دەن 18.30-عا دەيىن جۇمىس ىستەپ تۇر. وسى ۋاقىت ارالىعىندا ءوڭىر تۇرعىندارى حالىققا قاجەتتى زاتتاردى الىپ كەلىپ, قوناەۆ قالاسىنداعى تسەنترالنايا كوشەسىندەگى 19-ۇيدە ورنالاسقان قابىلداۋ پۋنكتىنە وتكىزە الاتىنى دا حابارلاندى.
الماتى وبلىسى
