فوتو: ۇكىمەتتىڭ ءباسپاسوز قىزمەتى
قايعىلى وقيعا 2 ساۋىردە ايتەكە بي اۋدانى, بەلقوپا اۋىلىندا بولعان. ون جاستاعى بالا كوشەدە دوستارىمەن ويناپ جۇرگەن كەزدە تايىپ كەتىپ, ەرىگەن سۋعا قۇلاپ كەتكەن. سۋ تەرەڭ بولىپ شىقتى.
بالالار بولعان وقيعانى ۇلكەندەرگە حابارلاعان. ولار بالانى سۋدان الىپ شىققاندا, تىم كەش بولىپ شىقتى.
بالا جاس وتباسىنىڭ تۇڭعىشى بولاتىن. ەرلى-زايىپتىلاردىڭ تاعى ەكى قىزى بار.
ايتا كەتەيىك, وسىدان بىرنەشە كۇن بۇرىن ەبەيتى اۋىلىندا ءتورت جاسار بالا ەرىگەن سۋعا باتىپ كەتكەن بولاتىن. بالا اعاسى ەكەۋى دالادا ويناپ ءجۇرىپ, ەڭىستەن ارىققا قۇلاپ, تۇنشىعىپ قالعان.
