بايقاۋعا 22 اتالىم, اتاپ ايتقاندا حالىق اسپاپتارى, ەسترادالىق ءان ايتۋ, كوركەم ءسوز وقۋ, زاماناۋي بي, بەينەلەۋ جانە ساندىك-قولدانبالى ونەر, فوتوگرافيا جانە باسقالار بويىنشا 500 ءوتىنىم بەرىلدى. ايماقتىق ىرىكتەۋ تۋرىندا وننان استام ۇجىم حورەوگرافيالىق كومپوزيتسيالارمەن ونەر كورسەتتى. «حالىق ءبيى» جانە «زاماناۋي بي» اتالىمدارىندا «تۇمار» ءانسامبلىنىڭ ورتا جاس توبى التىن, ەڭ كىشى توبى قولا مەدال جەڭىپ الدى.
بۇل بالالار قارۋلى كۇشتەر ۇلتتىق اسكەري-پاتريوتتىق ورتالىعى ءانسامبلىنىڭ جانىندا اشىلعان ۇيىرمەلەرگە قاتىسادى. «جاس سارباز» بالالار ستۋدياسىن جانە «تۇمار» ءانسامبلىن پەداگوگ-حورەوگراف – 3-سىنىپتى سەرجانت الميرا اسىلبەكوۆا, قويۋشى-حورەوگراف – قارۋلى كۇشتەردىڭ قىزمەتكەرى ەرجان قۇدايبەرگەنوۆ باسقارادى.
– «تۇمار» بي ۇجىمىندا 5 جاستان 14 جاسقا دەيىنگى ارالىقتا 90 بالا بار. ءانسامبلدىڭ قۇرىلعانىنا نەبارى ءبىر جارىم جىل عانا بولدى. جۇمىس ءتورت جاس توبى بويىنشا ۇيىمداستىرىلعان. كاسىبي قازىلار القاسى ءبىزدىڭ ەڭبەگىمىزدى جوعارى باعالادى, – دەدى ا.اسىلبەكوۆا.
ۇلتتىق دەلفي ويىندارىنىڭ جەڭىمپازدارى حالىقارالىق دەڭگەيدە ەلىمىزدىڭ نامىسىن قورعاماق.
