فوتو: gov.kz/
قۇجات 2025 جىلعا دەيىن ۇزارتىلىپ, جاڭا ءىس-شارالارمەن تولىقتىرىلماق. جاڭا شارالار كۇزگى ەگىننىڭ كوكونىس قورلارىن قالىپتاستىرۋعا, حيميا سالاسىندا ينۆەستيتسيالىق جوبالاردى, جەڭىل ونەركاسىپتە يمپورتتى الماستىراتىن جوبالاردى ىسكە اسىرۋعا باعىتتالعان. سونداي-اق شىمكەنتتە جىلىجاي كەشەنى مەن كوكونىس قويماسىن, شقو-دا وسىمدىك مايىن ءوندىرۋ زاۋىتىن, الماتى وبلىسىندا ەت كومبيناتىن سالۋعا, قىزىلوردا وبلىسىندا قارقىندى باقتار وسىرۋگە, قوستاناي وبلىسىندا اۋىل شارۋاشىلىعى داقىلدارىن سۋارۋ جۇيەسىن ورناتۋعا, ت. ب. قاراستىرىلعان.
«وزەكتەندىرىلگەن شارالار كەشەنىندە ءاربىر ءىس-شارا بويىنشا نىسانالى ينديكاتورلار كوزدەلەتىن بولادى. تۇتاستاي العاندا, قۇجات تاۋارلار قاتارىن ۇلعايتۋ ارقىلى ينفلياتسيامەن كۇرەسۋگە باعىتتالعان. سوندىقتان ىسكە قوسىلعان مەملەكەتتىك ورگانداردىڭ بارلىعى ىشكى نارىقتى قانىقتىرۋ ءۇشىن وتاندىق ءونىم ءوندىرۋ كولەمىن ۇلعايتۋ جونىندەگى شارالاردى كۇشەيتۋلەرى قاجەت», دەپ اتاپ ءوتتى ۇلتتىق ەكونوميكا ۆيتسە-ءمينيسترى تيمۋر جاقسىلىقوۆ.
كەڭەستە جالپى شارالار كەشەنىنىڭ جوباسى ماقۇلداندى. قۇجات الداعى ۋاقىتتا قاجەتتى كەلىسۋ راسىمدەرى مەن بەكىتۋ ءۇشىن جولدانادى.
