فوتو: جوعارعى سوتتىن YouTube ارناسى
بيشىمباەۆ ايعاق بەرە باستاعاندا, نۇكەنوۆانىڭ اناسى ورنىنان تۇرىپ, سوتتالۋشىعا ەموتسيونالدى تۇردە سويلەدى.
«مەن ايەلىم سالتاناتتى قاساقانا نەمەسە سانالى, جوسپارلى تۇردە جاسالعان ەرەكشە قاتىگەزدىكپەن ءولتىرۋ فاكتىسىن مويىندامايمىن...», دەپ باستادى ءسوزىن بيشىمباەۆ.
وسى كەزدە مارقۇمنىڭ اناسى ىزالانىپ, ورنىنان تۇرىپ داۋسىن كوتەرىپ سويلەدى.
نۇكەنوۆانىڭ اناسى بيشىمباەۆ قىزىن سەگىز ساعات بويى ولتىرگەنىن ايتتى.
«سەن ونى سەگىز ساعات بويى ءولتىردىڭ. وتكەنىڭدى ايتىپ بەرەيىن بە؟ بالانى قالاي ولتىرگەنىڭدى...», دەدى سوتقا قاتىسۋشى سوتتالۋشىعا.
سۋديا ايجان قۇلباەۆا پروتسەسكە قاتىسۋشىلاردان سوت زالىندا ءتارتىپتى ساقتاۋدى تالاپ ەتتى.
«باسقا بولمەگە ءوتىڭىز نەمەسە سوت زالىندا تىنىشتىق ساقتاڭىز», دەدى قۇلباەۆا.
ەستەرىڭىزگە سالا كەتەيىك, قۋاندىق بيشىمباەۆ كەشىرىم سۇراپ, ايىپتاۋشى تاراپتان كەشىرىم كۇتپەيتىنىن مالىمدەگەن. سونداي-اق ول كىناسىن مويىندامايتىنىن بىرنەشە رەت قايتالاپ ايتقان.
