فوتو: بولات ايتمولدا
ولاي دەيتىنىمىز, مەملەكەت باسشىسى قاسىم-جومارت توقاەۆتىڭ ۇلت تاعدىرىنا قاتىستى كەلەلى ماسەلەلەردى ۇلى دالانىڭ كيەلى مەكەندەرىنە بارىپ كوتەرۋىندە بولىپ تۇر. پرەزيدەنت ەل تىزگىنىن قولىنا العاننان كەيىن وتكىزگەن ۇلتتىق قۇرىلتايدىڭ العاشقى وتىرىسى ۇلىتاۋ تورىندە ۇلى تۇلعالاردى دارىپتەۋدەن باستالسا, قاسيەتتى تۇركىستاندا وتكەن جيىندا ءتول تاريحىمىز بەن رۋحاني قۇندىلىقتارىمىز كەڭىنەن تارازىلاندى. ال ۇلتتىق قۇرىلتايدىڭ كيەلى مەكەن جايىقتىڭ جاعاسىندا وتكەن كەزەكتى وتىرىسىندا ەلىمىزدىڭ جارقىن بولاشاعىنا جول اشاتىن باستامالار تالقىعا ءتۇستى.
قۇرىلتايدا مەملەكەت باسشىسى: «ۇلت ساپاسىن جاقسارتامىز دەسەك, ءبىر ەل بولىپ جاڭا قۇندىلىقتار جۇيەسىن قالىپتاستىرۋىمىز قاجەت. اعا بۋىن جاس ۇرپاققا جول نۇسقاپ, باعىت-باعدار بەرۋى كەرەك. ەلىمىزدە كوزى اشىق, كوكىرەگى وياۋ, ويى ۇشقىر, ءبىلىمدى جاستار كوپ. ءبىز ولاردىڭ بويىنا اسىل قاسيەتتەردى ءسىڭىرۋىمىز قاجەت. ءبىز بولاشاققا سەنىممەن باسۋ ءۇشىن ۇلى دالاداعى كوشپەندىلەر وركەنيەتىنىڭ تىكەلەي مۇراگەرى رەتىندە مادەني مۇرالارىمىزدى ساقتاپ, ۇلتتىق بىرەگەيلىگىمىزدى نىعايتۋىمىز قاجەت», دەگەن بولاتىن.
مەملەكەت باسشىسى ايتىپ وتىرعان كوزى اشىق, كوكىرەگى وياۋ, ويى ۇشقىر, ءبىلىمدى جاستار ەلىمىزدىڭ جوعارى وقۋ ورىندارىندا ءبىلىم الىپ, تاربيەلەنىپ كەلەدى. جوعارى وقۋ ورىندارى – جاستاردى ۇلكەن ومىرگە دايىندايتىن ءومىر مەكتەبى. وسى تۇرعىدا عىلىم جانە جوعارى ءبىلىم ءمينيسترى ساياسات نۇربەكتىڭ تىكەلەي جەتەكشىلىگىمەن وتاندىق جوو رەكتورلارىنىڭ, پرورەكتورلارىنىڭ تۇراقتى باسقوسۋى وتەدى. باسقوسۋلاردا وسكەلەڭ جاستار ساپىنان ەلىمىزدىڭ جارقىن بولاشاعىنا قىزمەت ەتەتىن جاسامپاز تۇلعالاردى تاربيەلەپ شىعارۋ ماسەلەلەرى تالقىعا تۇسەدى. مينيسترلىك تاراپىنان بەكىتىلگەن جوعارى وقۋ ورىندارىنداعى وسكەلەڭ جاستاردى وركەنيەتكە جەتەلەۋدىڭ 2029 جىلعا دەيىنگى ستراتەگيالىق تۇجىرىمداماسى جوعارى وقۋ ورىندارىنىڭ جۇمىس تاجىريبەسىندە جۇزەگە اسىپ كەلەدى.
پرەزيدەنتتىڭ ءاز ناۋرىزدىڭ مارتەبەسىن كوتەرىپ, مازمۇنىن بايىتۋ تۋرالى ۇستانىمىنا وراي مينيسترلىك وتاندىق جوعارى وقۋ ورىندارىندا ۇلىستىڭ ۇلى كۇنى مەرەكەسىن تويلاۋدىڭ ونكۇندىگىن جوعارى دەڭگەيدە وتكىزۋدى قولعا الدى. كورىسۋ كۇنىنەن باستاۋ العان رۋحاني تانىمى تەرەڭ ۇلتتىق مەرەكەمىز قايىرىمدىلىق, مادەنيەت جانە ۇلتتىق سالت-ءداستۇر, شاڭىراق, ۇلتتىق كيىم كيۋ, جاڭارۋ, ۇلتتىق سپورت, ىنتىماق كۇندەرىمەن استاسىپ, پروفەسسور-وقىتۋشىلار قۇرامى مەن ءبىلىم الۋشىلاردىڭ رۋحاني تۇرعىدا كەمەلدەنۋىنە زور ىقپال ەتتى. بۇل باستامانى شىن ىقىلاسپەن قابىلداعان جۇمابەك تاشەنوۆ ۋنيۆەرسيتەتىنىڭ قىزمەتكەرلەرى مەن ءبىلىم الۋشى جاستارى ۇلتتىق رۋحىمىزدىڭ ويانۋىنا ءوز ۇلەسىن قوسىپ كەلەدى. ۋنيۆەرسيتەتىمىزدىڭ باستى ۇستانىمى – جاستاردىڭ عىلىمعا, سپورتقا, ونەرگە قىزىعۋشىلىعىن ارتتىرۋ ارقىلى ولاردىڭ تۇلعالىق قابىلەتىن جان-جاقتى دامىتۋ, ستراتەگيالىق شەشىمدەر قابىلداۋعا باۋلۋ.
عالىمجان بيتۇرسىن,
ج.تاشەنوۆ ۋنيۆەرسيتەتىنىڭ پرورەكتورى
