الماتى وبلىستىق توتەنشە جاعدايلار دەپارتامەنتى, پوليتسيا دەپارتامەنتى جانە جەرگىلىكتى اتقارۋشى ورگان قىزمەتكەرلەرى جاقىن ماڭداعى اۋىلداردى ارالاپ, حالىقتى حاباردار ەتكەن. اۋلانى ارالاۋ ناتيجەسىندە ۇيلەردى سۋ باسۋ جاعدايلارى تىركەلمەگەن. قۇرباندار مەن زارداپ شەككەندەر جوق. دەگەنمەن, ءتۇن ورتاسىندا 28 ادام ەۆاكۋاتسيالانعان. زارداپ شەككەندەر مەن ەۆاكۋاتسيالانعان ادامداردى ورنالاستىرۋ ءۇشىن قاراوي اۋىلىنداعى № 49 ورتا مەكتەپ جانە № 18 ورتا مەكتەپتەردە 250 ورىن ازىرلەنىپ, تۇرعىنداردى تاسىمالداۋ ءۇشىن 2 بىرلىك اۆتوبۋسپەن 7 كەزەكشىلىك ۇيىمداستىرىلدى.
جايناق اۋىلى مەن بايسەيىت اۋىلى, قاراوي اۋىلى مەن ن.تىلەنديەۆ اۆتوجولىندا وبلىستىق ماڭىزى بار كوپىر وتكەلدەرىندە سۋ دەڭگەيىن مونيتورينگىلەۋ جانە اۆتوكولىك قۇرالدارىن وتكىزۋ ءۇشىن جپق بەكەتتەرى قويىلدى.
وسى كۇنى ورىن العان ايماقتا كۇشتىك قۇرىلىمدار جۇمىس ىستەۋدە. وندا جاعانى نىعايتۋ جانە توسەۋ جۇمىستارىنا 250 توننا ينەرتتءى ماتەريال جانە 3000 قاپشىق پايدالانىلۋدا. ينجەنەرلىك تەحنيكانىڭ كومەگىمەن بوگەت ساڭىلاۋىن بەتون كونسترۋكتسيالارمەن جانە توپىراقپەن جابۋ جۇمىستارى جۇرگىزىلۋدە.
«تج جويۋعا الماتى وبلىسى تجد, جاو, پد, 28237 ش/ب, شەكارا. اكادەميا 2466 قاراوي, روسو, رەق جانە گاز قىزمەتىنەن بارلىعى 300-گە جۋىق قىزمەتكەر جانە 70-كە جۋىق تەحنيكا جۇمىلدىرىلدى», – دەپ حابارلايدى الماتى وبلىستىق توتەنشە جاعدايلار دەپارتامەنتىنىڭ ءباسپاساوز قىزمەتى.
دەرەك كوزدەرىنە سۇيەنسەك, 1910 جىلى سالىنعان (114 جىل) ۆوروشيلوۆ سۋ قويماسىنىڭ بوگەتى 2017 جىلى 49 جىلعا سەنىمگەرلىك باسقارۋعا بەرىلگەن.
