جوبا عىلىم جانە جوعارى ءبىلىم مينيسترلىگىنىڭ نىسانالى قارجىلاندىرۋ باعدارلاماسى شەڭبەرىندە ىسكە استى.
عىلىمي ورتالىق كليمات جانە مودەلدەۋ, تسيفرلىق كارتوگرافيا جانە قولدانبالى گەودەزيا, GlobalSky (اتموسفەرالىق زەرتتەۋلەردىڭ يننوۆاتسيالىق زەرتحاناسى), تۇراقتى تۋريزم, سۋ رەسۋرستارىنىڭ ساپاسىن تالداۋ باعىتىندا جۇمىس ىستەيدى. سونىمەن قاتار لاندشافتتاردىڭ دەگراداتسياسىن گەواقپاراتتىق تالداۋ, گەودەموگرافيالىق جانە الەۋمەتتىك-ەكونوميكالىق زەرتتەۋلەر, ەكولوگيالىق قاۋىپسىزدىك, توپىراق ەكولوگياسى, قورشاعان ورتانى باقىلاۋ شارالارىن ىسكە اسىرادى.
قورشاعان ورتانىڭ جاھاندىق وزگەرۋى جاعدايىندا تابيعات پەن قوعامنىڭ ءوزارا ءىس-قيمىل زاڭدىلىقتارىن انىقتاۋ, قازاقستان وڭىرلەرىن تۇراقتى دامىتۋ ماقساتىندا تابيعي رەسۋرستاردى ۇتىمدى پايدالانۋ بويىنشا جاسىل تەحنولوگيالاردى ازىرلەۋ جانە ەنگىزۋدى ماقسات ەتەتىن ورتالىقتا گەوجۇيەلەردىڭ, توپىراقتىڭ, رەلەفتىڭ جانە لاندشافتتاردىڭ تابيعي جانە انتروپوگەندىك ديناميكاسى, تابيعاتتى قورعاۋدىڭ عىلىمي نەگىزدەرىن ازىرلەۋ, تۇراقتى دامۋدىڭ ايماقتىق ەرەكشەلىكتەرى, گەواقپاراتتىق تەحنولوگيالار جانە كارتاعا ءتۇسىرۋ سياقتى زەرتتەۋ باعىتتارى جۇزەگە اساتىن بولادى.
ورتالىقتىڭ اشىلۋ سالتاناتىنا عىلىم جانە جوعارى ءبىلىم ءمينيسترى ساياسات نۇربەك, رف عىلىم جانە جوعارى ءبىلىم ۆيتسە-ءمينيسترى كونستانتين موگيلەۆسكي, ءال-فارابي اتىنداعى قازۇۋ باسقارما توراعاسى – رەكتور جانسەيىت تۇيمەباەۆ, بۇۇ جاھاندىق كوممۋنيكاتسيالار دەپارتامەنتىنىڭ وكىلى ۆلاستيميل سامەك, بۇۇدب-نىڭ قازاقستانداعى تۇراقتى وكىلى ياكۋپ بەريش, كونسورتسيۋمنىڭ مەگاگرانت بويىنشا سەرىكتەستەرى قاتىسىپ, جاڭا ورتالىقتىڭ ۋنيۆەرسيتەتتىك عىلىمدى دامىتۋعا قوساتىن قوماقتى ۇلەسىن اتاپ ءوتتى.
جاڭا ورتالىقتى گەوگرافيا جانە تابيعاتتى پايدالانۋ فاكۋلتەتىنىڭ دەكانى ءاليا اقتىمباەۆا ارنايى تانىستىردى. بىلتىر قازۇۋ-دىڭ گەوگراف-عالىمدارى عىلىم جانە جوعارى ءبىلىم مينيسترلىگىنىڭ عىلىم كوميتەتىنەن 3,8 ملرد تەڭگە كولەمىندە مەگاگرانت ۇتىپ العان بولاتىن. ىسكە اسىپ جاتقان بىرلەسكەن باعدارلاما باتىس قازاقستان وڭىرىندەگى ەكولوگيالىق ماسەلەلەر بويىنشا ستراتەگيالىق مىندەتتەردى شەشۋگە باعىتتالعان. جوبا ءۇش جىل مەرزىمگە ارنالعان.
