توتەنشە جاعدايلار مينيسترلىگى حابارلاعانداي, الماتى وبلىسىنىڭ بايكەنت كەنتىندە ۆوروشيلوۆسكي سۋ قويماسىنىڭ بوگەتى جارىلعان.
«سۋ جارمۇحامەت وزەنىنىڭ نەگىزگى ارناسىن بويلاي شىعىپ, ودان كەيىن بارلىق شليۋزدەرى اشىق تۇرعان توعاندارعا قۇيادى. سۋ ترانزيتتىك رەجيمدە اعىزىلىپ جاتىر. حالىققا حابارلاۋ جۇمىستارى قولعا الىندى. ەلدى مەكەندەردى سۋ باسۋ قاۋپىن انىقتاۋ جۇمىستارى دا جاسالىپ جاتىر. توتەنشە جاعدايلار دەپارتامەنتىنىڭ باسشىسى مەن جەكە قۇرامى, وبلىس اكىمى وقيعا ورنىندا ءجۇر», دەلىنگەن حابارلامادا.
ەسكە سالا كەتەيىك, بۇعان دەيىن اقتوبە وبلىسىنىڭ ايتەكە بي اۋدانىندا ششەرباكوۆو بوگەتى ءشليۋزىنىڭ ۇستىندە جارىقتار پايدا بولىپ, 29 ناۋرىز, جۇما كۇنى ساعات 21:40-تا بوگەت جارىلعان ەدى. وسىعان بايلانىستى جاقىن ماڭداعى اۋىلداردىڭ تۇرعىندارى شۇعىل ەۆاكۋاتسيالاندى.
