فوتو: جوعارعى سوتتىڭ ءباسپاسوز قىزمەتى
جابىرلەنۋشى جاقتىڭ ايتۋىنشا, وقيعا جاڭا جىل (2023 جىل) قارساڭىندا مەرەكەلىك داستارقان باسىندا بولعان.
«31 جەلتوقسان كۇنى ساعات كەشكى ون شاماسىندا سالتانات پەن قۋاندىقتىڭ ۇيىنە قوناق بولىپ باردىم. سونداي-اق ۇيدە قۋاندىقتىڭ اتا-اناسى جانە ەكىنشى نەكەدەگى ءۇش بالاسى بولعان. سونىمەن قاتار تاعى دا شاقىرىلماعان قوناق رەتىندە باقىتجان بايجانوۆ ايەلىمەن سىيلىق الىپ كەلگەن. سالتانات ولارعا ارنايى سىيلىق دايىنداماعاندىقتان, قۋاندىق سىيلاعان ءيىسسۋدى باقىتجاننىڭ ايەلىنە كەتەر الدىندا سىيلاعان. وسىدان سوڭ ولاردىڭ اراسىندا ۇرىس باستالدى», دەپ باياندايدى سوت وتىرىسىندا نۇكەنوۆانىڭ اعاسى.
اشۋ ۇستىندە بيشىمباەۆ سابىرعا شاقىرعان ءوز اكەسىنە دە اۋىر سوزدەر ايتقان. بيشىمباەۆ اتا-اناسىنا بۇل ىسكە ارالاسپاۋىن سۇراپ, بارلىعىنا ءوزىنىڭ اكەسىن كىنالاپ شىققان.
«وسىنىڭ بارلىعىنا سەن كىنالىسىڭ. سەن مەنىڭ جانە انامنىڭ ءومىرىن قۇرتتىڭ», دەدى جابىرلەنۋشى تاراپ.
ايتا كەتەيىك, بۇگىن بيشىمباەۆقا قاتىستى سوت وتىرىسى ءوتىپ جاتىر. سوت ەكى بولىمگە ءبولىندى. ەكىنشى ءبولىم ساعات 14:30-دا باستالادى.
