فوتو: اقوردا
اڭگىمەلەسۋ بارىسىندا ەنەرگەتيكا سالاسىنداعى ىنتىماقتاستىقتى ودان ءارى دامىتۋ, سونىڭ ىشىندە جاڭارتىلاتىن ەنەرگيا كوزدەرىنە نەگىزدەلگەن سەرىكتەستىك پەرسپەكتيۆاسى تالقىلاندى.
قاسىم-جومارت توقاەۆقا China Power International Holding ەنشىلەس كومپانياسىنىڭ قازاقستاندا بەلسەندى جۇمىس ىستەپ جاتقانى جونىندە مالىمەت بەرىلدى. سوڭعى بەس جىلدا جاڭاتاستا جەل ەنەرگياسى جوباسى جۇزەگە اسىرىلىپ, قاراعاندىدا كۇن ەلەكتر ستانتسياسى سالىندى.
قىتايدىڭ ەڭ ءىرى ەنەرگەتيكالىق كومپانيالارىنىڭ ءبىرى سانالاتىن SPIC كورپوراتسياسىنىڭ باسشىسى جامبىل جانە پاۆلودار وبلىستارىندا جالپى قۋاتى 1 گۆت بولاتىن جەل ەلەكتر ستانتسيالارىن سالۋعا قاتىستى جاڭا ينۆەستيتسيالىق جوبالاردىڭ جۇزەگە اسىرىلۋ بارىسى جونىندە باياندادى. بۇل جوبالارعا ءبىر ميلليارد دوللاردان استام ينۆەستيتسيا سالىنعان.
سونداي-اق ليۋ مينشەننىڭ ايتۋىنشا, كومپانيا قازاقستاندا اۋقىمدى گيدروەنەرگەتيكالىق جوبالار مەن بۋ-گاز تۋربينالارىن سالۋ پەرسپەكتيۆاسىن زەرتتەۋگە نيەتتى.
پرەزيدەنت ەلىمىزدىڭ جاڭارتىلاتىن ەنەرگيا سالاسىنا ۇزدىك حالىقارالىق تەحنولوگيالار مەن تاجىريبەلەردى ەنگىزۋگە مۇددەلى ەكەنىن اتاپ ءوتتى.
كەزدەسۋ سوڭىندا قاسىم-جومارت توقاەۆ ليۋ مينشەندى بيىل ماۋسىم ايىندا وتەتىن استانا حالىقارالىق فورۋمىنا قاتىسۋعا شاقىردى.
