فوتو: اقوردا
«بىزگە تىعىز قارىم-قاتىناستا جۇمىس ىستەۋ قاجەت دەپ ويلايمىن. ويتكەنى قازىرگى گەوساياسي احۋالدى ەسكەرسەك, الداعى استانا ءسامميتىنىڭ ماڭىزى وتە زور. سامميت بارىسىن جانە ونىڭ اياسىندا قابىلداناتىن شەشىمدەر مەن كەلىسسوزدەردى بۇكىل الەم باقىلاپ وتىرادى. بىلۋىمشە, ۇيىمعا مۇشە مەملەكەتتەردىڭ باسشىلارى اتالعان جيىنعا تۇگەل قاتىسۋعا نيەت بىلدىرۋدە. ۇيىمداستىرۋشى تاراپ رەتىندە قازاقستان ءسامميتتىڭ تابىستى ءوتۋى ءۇشىن قولدان كەلگەن شارانىڭ ءبارىن جاسايدى», دەدى پرەزيدەنت.
چجان مين شانحاي ىنتىماقتاستىق ۇيىمىنىڭ الەۋەتىن ارتتىرۋعا قازاقستان ەلەۋلى ۇلەس قوسىپ وتىرعانىن اتاپ ءوتتى.
«ۇيىمنىڭ قازىرگى توراعاسى رەتىندە قازاقستاننىڭ ۇلكەن كۇش-جىگەر جۇمساپ جاتقانىن جانە جوعارى مارتەبەلى پرەزيدەنت مىرزا, ءسىزدىڭ شىۇ قىزمەتىن جەتىلدىرۋگە ايرىقشا ءمان بەرىپ وتىرعانىڭىزدى جوعارى باعالايمىن. استانا ءسامميتىنىڭ ءساتتى وتەتىنىنە سەنىمدىمىز», دەدى باس حاتشى.
مەملەكەت باسشىسى قازاقستاننىڭ شىۇ-نى وڭىرلىك قاۋىپسىزدىك, ساۋدا-ەكونوميكالىق ىقپالداستىق جانە مادەني-گۋمانيتارلىق بايلانىس پروتسەستەرىن ىنتالاندىرۋدىڭ پارمەندى تەتىگى رەتىندە قاراستىراتىنىن اتاپ ءوتتى. سونىمەن قاتار قاسىم-جومارت توقاەۆ ءسامميتتىڭ قورىتىندى قۇجاتتارىنىڭ مازمۇنى بويىنشا ەگجەي-تەگجەيلى جۇمىس جۇرگىزۋ ماڭىزدى ەكەنىنە نازار اۋداردى.
