فوتو: senate_kz
سەناتور جولدانعان ساۋالدار اۋىلدى دامىتۋ, اۋىل شارۋاشىلىعىندا سۋدى ءتيىمدى پايدالانۋ, وڭىرلەردەگى فەرمەرلىك شارۋاشىلىقتاردى كەڭەيتۋ, جايلى مەكتەپ, بىرىڭعاي ۇلتتىق گەنەتيكالىق بانك قۇرۋ, اۋىل تۇرعىندارىنىڭ قالاعا كوشى-قون سەبەپتەرى, اۋىلدىق جەرلەردەگى جايىلىم ماسەلەلەرىن كوتەرگەنىن اتاپ ءوتتى. الايدا, جانبولات جورگەنباەۆ دەپۋتاتتىق ساۋالدارعا ۇكىمەت تاراپىنان كەلگەن رەسمي جاۋاپتار كوڭىل كونشىتپەيتىنىن تىلگە تيەك ەتتى.
ء«ىس جۇزىندە كوپتەگەن ءورشىل جوبالار قاعاز جۇزىندە عانا قالىپ, بىردە-ءبىر مەملەكەتتىك باعدارلاما مەجەلەگەن ينديكاتورلارعا قول جەتكىزىلمەگەن جۇمىستار تۋرالى جازىلادى نەمەسە «بولادى», «سۇرالدى», «جوسپارلانىپ وتىر» دەگەن ستاندارتتى جاۋاپتارمەن اياقتالادى. ەڭ سوراقىسى, تەرىس ناتيجە ءۇشىن ەشكىم جاۋاپقا تارتىلمايدى, ويتكەنى ءىس جۇزىندە كوپ نارسە نيەت دەكلاراتسياسىنىڭ دەڭگەيىندە قالادى. مۇنى نەمقۇرايدىلىق نەمەسە سول جاۋاپتى جولداعان مەملەكەتتىك قىزمەتكەردىڭ, مينيسترلىكتىڭ نەمەسە مەملەكەتتىك ورگاننىڭ جاۋاپتى ازاماتىنىڭ كاسىبي دەڭگەيىن كورسەتەدى دەپ ويلايمىن», دەدى سەناتور.
وسى ورايدا دەپۋتات اۋىل شارۋاشىلىعى مەن اگروبيزنەستىڭ دامۋىن كوزدەيتىن كەشەندى باعدارلاما دايىنداۋ قاجەتتىگىن نازارعا الۋدى سۇرادى.
«شيكىزات ءوندىرىسى سالالارىنىڭ دامۋىمەن قاتار, ءوندىرۋشى ونەركاسىپتىڭ ءوسۋىن ىنتالاندىرۋ ماقساتىندا رەسپۋبليكانىڭ ەكونوميكالىق ساياساتى مەن دامۋ ستراتەگياسىن جەدەل قايتا باعىتتاۋ قاجەت. سونىمەن قاتار ەكونوميكانى ءارتاراپتاندىرۋ جونىندە كاسىپكەرلىكتىڭ الاتىن ورنى توڭىرەگىندە تاعى ءبىر ماسەلە – اۋىلشارۋاشىلىعى وندىرىسىندەگى شاعىن جانە ورتا كاسىپكەرلىكتى دامىتۋ ماسەلەسىن قايتا قاراستىرۋ قاجەت. شاعىن جانە ورتا بيزنەستىڭ نەگىزگى ماسەلەسى - سالىقتان بوساتۋ ەمەس, قازاقستاندا ءتيىمدى, الەۋەتتى سۇرانىستىڭ جوقتىعى. سوندىقتان, اگروبيزنەس ورتاسىن جاقسارتۋ ماسەلەسىنە ۇلكەن كوڭىل اۋدارۋ قاجەتتىگى تۋىنداپ وتىر», دەدى جانبولات جورگەنباەۆ.
سونداي-اق دەپۋتات ۇكىمەت باسشىسى ولجاس بەكتەنوۆتىڭ اتىنا ساۋال جولداي وتىرىپ, وسىعان دەيىن سەناتورلار ۇسىنعان ۇسىنىستاردى تاعى دا ەسكە سالىپ, ولارعا نازار اۋدارۋىن ءوتىندى.
قىرمىزى جۇماعاليقىزى,
ەۇۋ ستۋدەنتى
