فوتو: thenewsteller.com
كليەنت جەكە كابينەتتە تىركەلۋ ءۇشىن سداو قىزمەتىن پايدالانادى. كەيىن بيومەتريالىق سايكەستەندىرۋ نەمەسە ميكروقارجىلىق قىزمەتتى جۇزەگە اسىراتىن ۇيىمنىڭ قۇرىلعىسى ارقىلى الىنعان بيومەتريالىق دەرەكتەر قولدانىلادى.
كليەنتتىڭ ۇيالى بايلانىس قۇرىلعىسىنىڭ ابونەنتتىك ءنومىرى تۋرالى دەرەكتەرگە جانە بانك شوتىنىڭ دەرەكتەمەلەرىنە (تەرمينالدار ارقىلى ميكروكرەديت بەرۋدى قوسپاعاندا) وزگەرىستەر ەنگىزۋ, كليەنتتىڭ جەكە كابينەتىندە سداو قىزمەتىن پايدالانۋ ارقىلى بيومەتريالىق سايكەستەندىرۋدى نەمەسە ميكروقارجىلىق قىزمەتتى جۇزەگە اسىراتىن ۇيىمنىڭ قۇرىلعىسى ارقىلى كليەنتتى تىركەۋ كەزىندە الىنعان كليەنتتىڭ بيومەتريالىق دەرەكتەرىن قولدانۋ ارقىلى جۇرگىزىلەدى.
«ەلەكتروندى تاسىلمەن ميكروكرەديت بەرۋ ميكروقارجىلىق قىزمەتتى جۇزەگە اسىراتىن ۇيىمنىڭ بانكتىك شوتىنان كليەنتتىڭ بانكتىك شوتىنا (تولەم كارتوچكاسىنا) اقشا اۋدارۋ جولىمەن, سونداي-اق كليەنتكە تەرمينال ارقىلى قولما-قول اقشانى بەرۋ جانە (نەمەسە) ميكروقارجىلىق قىزمەتتى جۇزەگە اسىراتىن ۇيىمدى قارىز الۋشى ساتىپ الاتىن تاۋارلارعا نەمەسە ورىنداعان جۇمىستارعا, قىزمەتتەرگە اقى تولەۋدى كوزدەيتىن شارت جاساسقان زاڭدى تۇلعانىڭ بانكتىك شوتىنا ميكروكرەديتتى قارىز الۋشىنىڭ ءوتىنىشى بويىنشا اۋدارۋ ارقىلى جۇزەگە اسىرىلادى», دەلىنگەن «اشىق نقا» پورتالىندا جاريالانعان قۇجاتتا.
قۇجاتتا تۇلعالاردىڭ بيومەتريالىق سايكەستەندىرۋ دەرەكتەرى ساقتالاتىنى جازىلعان.
قازاقستاندا ونلاين نەسيە الۋ ءتارتىبىن وزگەرتۋدى كوزدەيتىن قۇجات 8 ساۋىرگە دەيىن كوپشىلىك تالقىسىنا ۇسىنىلعان.
