فوتو: t.me/Mash
«كومسومولسكايا پراۆدا» گازەتىنىڭ جازۋىنشا, سەگىزىنشى سىنىپ وقۋشىسى ورتالىقتىڭ گاردەروبىندا جۇمىس ىستەپ, تابىس تاۋىپ جۇرگەن.
يسلامنىڭ ايتۋىنشا, ول ادامداردى عيماراتتان جارتى ساعاتتاي ۋاقىت ىشىندە الىپ شىققان.
ء«دال 23:00-دە اتىس ەستىلدى. مەن بىردەن ادامداردى شىعارۋعا جۇگىردىم. ءبىز قوسالقى ەسىكتىڭ قايدا ورنالاسقانىن بىلەمىز. مەن كەتسەم, جۇزدەگەن ادام ولەتىنىن ءتۇسىندىم. قولىمنان كەلگەنشە بارلىعىنا كومەكتەستىم, ءوزىمدى باتىر دەپ سانامايمىن», دەدى يسلام «كومسومولسكايا پراۆدا» گازەتىنە بەرگەن سۇحباتىندا.
لاڭكەستىك ارەكەت پەن سونىڭ سالدارىنان بولعان ءورت كەزىندە يسلام جۇرتشىلىققا جول كورسەتىپ, باعىت-باعدار بەردى. كوپشىلىكتىڭ دارەتحاناعا قاراي تىعىرىققا تىرەلگەنىن بايقاعان ءجاسوسپىرىم ەۆاكۋاتسيا جۇرگىزۋدى ءوز قولىنا العان. ول ادامداردى تار وتكەلدەن ەكسپو اۋماعىنا, ودان ءارى كەڭسە عيماراتى ارقىلى كوشەگە – قاۋىپسىز جەرگە شىعارا الدى.
ول بوس ۋاقىتىندا گاردەروبتا جۇمىس ىستەيدى جانە فۋتبولدان «سپارتاك» بالالار كومانداسىندا وينايدى.
تەرگەۋ كوميتەتىنىڭ سوڭعى مالىمەتى بويىنشا, ماسكەۋ وبلىسىنداعى Crocus City Hall كونتسەرت زالىنا جاسالعان شابۋىلدان 133 ادام قازا بولدى, 140 ادام جاراقات الدى.
وسىعان دەيىن 11 كۇدىكتى ۇستالعانى, ونىڭ ىشىندە تورتەۋى شابۋىلعا تىكەلەي قاتىسى بارى حابارلاندى.
