ايەلدەر اراسىنداعى ەلىمىزدىڭ ەڭ ۇزدىك ويىنشىسى ەلەنا رىباكينا ءتورتىنشى ورنىن ساقتاپ قالدى. ول تەك پولشالىق يگا شۆەنتەك, بەلارۋستىك ارينا سوبولەنكو جانە امەريكالىق كوري گاۋففتان عانا قالىپ كەلەدى. اقش-تىڭ تاعى ءبىر مىقتى ويىنشىسى دجەسسيكا پەگۋلا WTA تىزىمىندەگى ۇزدىك بەستىكتى تۇيەندەدى. ينديان-ۋەلستەگى ءتۋرنيردىڭ 1/8 فينالىندا ونەر كورسەتكەن يۋليا پۋتينتسەۆا 11 ساتىعا جوعارىلاپ, قازىرگى كەزدە 66-ورىندى يەلەنىپ تۇر.
ەرلەردىڭ رەيتينگىندە الەكساندر بۋبليكتىڭ قارقىنى قۋانتادى. وسىدان ون شاقتى كۇن بۇرىن عانا توپ-20 ويىنشىنىڭ قاتارىنا ەنگەن ول بۇل كۇندەرى 17-ساتىعا جايعاستى. بۇل – بۋبليكتىڭ جەكە رەكوردى. قازاقستاننىڭ ەكىنشى راكەتكاسى الەكساندر شەۆچەنكو بىرنەشە ساتىعا تومەندەپ, 54-ورىندى قاناعات تۇتۋدا. اتر تىزىمىندە نوۆاك دجوكوۆيچ جەكە-دارا كوش باستاپ تۇر. سەربيانىڭ ساڭلاعىن يسپانيالىق كارلوس الكاراس, يتاليالىق ياننيك سيننەر, رەسەيلىك دانيل مەدۆەدەۆ جانە گەرمانيالىق الەكساندر زۆەرەۆ وكشەلەپ كەلەدى.
