فوتو: gov.kz
بولاشاق ەنەرگياسى مۇراجايىندا دا مازمۇندى مادەني-ويىن-ساۋىق باعدارلاماسى جوسپارلانعان. مۇندا «ارت دومبىرا» تريوسى, «قوسالقا» كۆينتەتى, «تارلان» دومبىراشىلار ءانسامبلى, «قورقىت» ەتنو-ءانسامبلى, ايتىسكەرلەر, انشىلەر, بي ۇجىمدارى ونەر كورسەتەدى. ال تەاتر ترۋپپاسى ء«از-ناۋرىز – جىل باسى» ميۋزيكلىن قويادى. سونىمەن قاتار مۇراجاي الاڭىندا قازاقتىڭ پالۋانى سەرگەي تسىرۋلنيكوۆ كۇش يزومەترياسىن كورسەتەدى. سونداي-اق مۇراجايدا كيىزدەن سۋرەت جاساۋ جانە قولدان كىلەم توقۋ بويىنشا شەبەرلىك كلاستارى وتكىزىلەدى, ال قولونەرشىلەر كادەسىيلار, كيىم-كەشەكتەر, قولدان جاسالعان ىدىس-اياقتارىن جانە تاعى باسقا دا بۇيىمدارىن ساتىلىمعا قويادى. بۇل كۇنى قوناقتار ءداستۇرلى مەرەكەلىك تاعام – ناۋرىز كوجە مەن باۋىرساقتان ءدام تاتا الادى. 21-23 ناۋرىز ارالىعىندا مۇراجايعا بيلەتتەردى 50% جەڭىلدىكپەن ساتىپ الۋعا بولاتىنىن اتاپ وتكەن ءجون.
21-23 ناۋرىز ارالىعىندا EXPO حالىقارالىق كورمە ورتالىعىندا «ناۋرىز بازارى» شىعىس جارمەڭكەسى وتەدى. مۇندا قازاقستان وندىرۋشىلەرى ازىق-ت ۇلىكتەن باستاپ, توقىما بۇيىمدارىنا دەيىنگى تاۋارلارىن ارنايى مەرەكەلىك باعامەن ساۋدالايدى. جارمەڭكەگە قازاقستان, تۇركيا, يران, ازەربايجان, تاجىكستان, قىرعىزستان جانە باسقا دا شەت ەلدەردىڭ ۇزدىك شەبەرلەرى مەن قولونەرشىلەرى قاتىسادى.
