الداعى ءۇش كۇندە ەل اۋماعىنىڭ باسىم بولىگىنە اتموسفەرالىق فرونتال بولىكتەر اسەر ەتەدى, بۇل اۋا رايىنىڭ تۇراقسىز سيپاتىنا الىپ كەلەدى, جاۋىن-شاشىن بولادى.
قاراعاندى وبلىسىنىڭ وڭتۇستىگىندە 21 ناۋرىزدا تۇندە قاتتى جاۋىن-شاشىن, ماڭعىستاۋ وبلىسىنىڭ باتىسىندا جانە وڭتۇستىگىندە 20 ناۋرىزدا كۇندىز قاتتى جاڭبىر, قىزىلوردا وبلىسىندا 21 ناۋرىزدا, تۇركىستان وبلىسىندا 20-21 ناۋرىزدا, جامبىل وبلىسىندا 19, 20-21 ناۋرىزدا تۇستەن كەيىن قاتتى جاڭبىر, تۇركىستان وبلىسىنىڭ تاۋلى جانە تاۋ بوكتەرىندەگى اۋداندارىندا 21 ناۋرىزدا قاتتى جاڭبىر جاۋادى دەپ بولجانعان.
20-21 ناۋرىزدا باتىس قازاقستان, اتىراۋ, اقتوبە وبلىستارىندا, 21 ناۋرىزدا قوستاناي وبلىسىندا جاۋىن-شاشىنسىز اۋا رايى ساقتالادى.
رەسپۋبليكا بويىنشا جەل كۇشەيەدى, تۇمان, كوكتايعاق بولادى, سولتۇستىكتە جانە ورتالىقتا قار جاۋادى, قازاقستاننىڭ وڭتۇستىگى مەن وڭتۇستىك-شىعىسىندا نايزاعاي كۇتىلەدى.
- ەلدىڭ باسىم بولىگىندە اۋا تەمپەراتۋراسى سولتۇستىك جارتىسىندا تۇندە 7-18 ايازعا دەيىن, كۇندىز 6 گرادۋس اياز - 6 گرادۋس جىلىعا دەيىن, رەسپۋبليكانىڭ وڭتۇستىك جارتىسىندا تۇندە 0-10 گرادۋس ايازعا دەيىن, كۇندىز 3-18 گرادۋس جىلىعا دەيىن بىرتىندەپ تومەندەۋى كۇتىلەدى, - دەلىنگەن حابارلامادا.
