– وزەندەردىڭ مۇز كەپتەلىپ قالاتىن ۋچاسكەلەرىندە پروفيلاكتيكالىق جارىلىس جۇمىستارى جۇرگىزىلىپ جاتىر. وسى ماقساتقا وبلىستىق رەزەرۆتەن 238 ملن تەڭگە ءبولىندى. ازىرگە پروفيلاكتيكالىق مۇز جارۋ جۇمىستارى شەمونايحا جانە التاي اۋداندارىندا جۇرگىزىلدى. ايماقتا 6 مىڭ توننا ينەرتتى ماتەريال, 457 توننا جانارماي مەن 48 مىڭ دانا قاپ قورى دايىندالدى. سۋ تاسقىنىنىڭ الدىن الۋ جۇمىستارى كەستەگە ساي جۇرگىزىلىپ جاتىر, – دەيدى ە.سارسەمبينوۆ.
بريفينگتە باياندالعانداي, وڭىردە سۋ جولدارىن قار مەن مۇزدان, قوقىس قالدىقتارىنان تازارتۋ جۇمىستارى جالعاسىپ جاتىر. كەيىنگى مالىمەتكە سەنسەك, وبلىس اۋماعىنداعى 72 كانالدىڭ 44-ءى (61 پايىز), 445 ارىقتىڭ 227-ءسى (51 پايىز), 277 كوپىردىڭ 223-ءى (81 پايىز), سونداي-اق اۆتوموبيل جولدارىنىڭ بويىنداعى 1 735 سۋ وتكىزۋ قۇرىلىسىنىڭ 1 087-ءسى (63 پايىز) مەن تەمىرجولدارداعى 90 سۋ وتكىزگىشتىڭ 14-ءى (16 پايىز) وسىنداي جۇمىستارمەن قامتىلعان. بۇگىنگە دەيىن ەلدى مەكەندەر اۋماعىنان 204 مىڭ تەكشە مەتر قار سىرتقا شىعارىلعان.
– 2021-2023 جىلدارى سۋ تاسقىنىنا قارسى ءىس-شارالاردىڭ جول كارتاسى شەڭبەرىندە 384 ملن تەڭگەگە 21 ءىس-شارا ىسكە اسىرىلدى. سونداي-اق وبلىس بيۋدجەتىنەن پروفيلاكتيكالىق قار ءتۇسىرۋ جۇمىستارىنا 32 ملن تەڭگە ءبولىندى. بارلىق 132 گيدروتەحنيكالىق قۇرىلىسقا باقىلاۋ ورناتىلدى. سۋ ەلەكتر ستانسالارىنىڭ كاسكادى شتاتتىق رەجىمدە جۇمىس ىستەپ تۇر. بۇقتىرما سۋ قويماسى تولىمدىلىعىنىڭ ەركىن كولەمى جوبالىق مولشەردىڭ 58 پايىزىن قۇرايدى. ياعني توتەنشە جاعداي كەزىندە سۋ قويماسى قوسىمشا مولشەردە سۋ قابىلداي الادى دەگەن ءسوز. جالپى العاندا, وبلىستاعى جاعداي تۇراقتى, قاۋىپتى ايماقتارداعى احۋال تاۋلىك بويى باقىلاۋدا, – دەپ تۇيىندەدى سالا مامانى.
ءباسپاسوز ءماسليحاتىندا الداعى كۇندەرگە ارنالعان كۇن رايى بولجامى دا ايتىلدى. «قازگيدرومەتتىڭ» شىعىس قازاقستان مەن اباي وبلىستارى بويىنشا فيليالى گيدرولوگيا ءبولىمىنىڭ باستىعى ىڭكار اسقاروۆانىڭ مالىمەتىنشە, ناۋرىزدىڭ ورتاسىنا قاراي ايماقتا تۇراقسىز اۋا رايى ساقتالادى.
– الداعى ءبىر اپتا كولەمىندە وبلىستا قار ارالاس جاڭبىر جاۋىپ, كۇندىزگى جانە تۇنگى اۋا تەمپەراتۋراسى تومەندەيدى. ناۋرىزدىڭ ورتاسىندا التاي, ۇلان, شەمونايحا, گلۋبوكوە, كاتونقاراعاي, مارقاكول اۋداندارى مەن ريددەر قالاسىندا قالىڭ قار جاۋادى دەپ كۇتىلىپ وتىر. ال 14 پەن 17 ناۋرىز ارالىعىندا وزگە وڭىرلەردەگى دە اۋا رايى جاۋىن-شاشىندى بولادى. تەك 18-20 ناۋرىزدا جاۋىن-شاشىنسىز اۋا رايى بولجانادى, – دەپ ءمالىم ەتتى ءى.اسقاروۆا.
ونىڭ ايتۋىنشا, 12-17 ناۋرىز ارالىعىندا تۇنگى اۋا تەمپەراتۋراسى +6-دان – 15 گرادۋسقا دەيىن تومەندەيدى. ال كۇندىز سىناپ باعاناسى +10 مەن – 8 گرادۋس ارالىعىندا اۋىتقيدى. ايدىڭ ءۇشىنشى ونكۇندىگىندە جاۋىن-شاشىن كوبىنەسە جاڭبىر مەن قار تۇرىندە بولادى, دەگەنمەن اۋا تەمپەراتۋراسى بىرتىندەپ كوتەرىلە باستايدى.
شىعىس قازاقستان وبلىسى
