اتالعان ءىس-شارا مادەنيەت قىزمەتكەرلەرىنىڭ ۇيىتقى بولۋىمەن قالالىق كىتاپحانادا ءوتتى. بۇدان بولەك, شەڭگەلدى جانە ارنا اۋىلدارىندا دا ۇيىمداستىرىلىپ, تۇرعىنداردىڭ بەرەكە-بىرلىگىن پاش ەتتى. يگى باستامادان كاسىپكەرلەر دە قالىس قالماي, دامحانالارعا كەلۋشىلەرگە ىستىق باۋىرساق ۇسىندى. ءسويتىپ ءتوس قاعىسىپ, قۇتتى بولسىن ايتىسىپ, ارقا-جارقا بولعان مەرەكە كۇنى قوناەۆ قالاسى تۇرعىندارىنا بارلىعى 2000 كەلى باۋىرساق تاراتىلدى.
«ارنا اۋىلىندا وتكەن «باۋىرساق party» كورىسۋ راسىمىنە ۇلاستى. قازاقى مادەنيەتتەن سىر شەرتەتىن راسىمگە اۋىل حالقى قۋانا قاتىسىپ, بەلسەندىلىك تانىتتى. جۇرت باۋىرساق جەپ, ناۋرىز كوجەدەن دە ءدام اۋىز ءتيدى. ءدۇبىرلى توي ونەرپازداردىڭ ءان-جىر مەن بي شاشۋىنا جالعاستى. مەرەكە سوڭىندا ورازا ۇستاعان جاماعاتقا قاتىمحانادا اۋىزاشار دا بەرىلدى», دەيدى قوناەۆ قالاسى اكىمدىگىنىڭ ءباسپاسوز قىزمەتى.
