سىرتقى ساۋدانى رەتتەۋ ماسەلەلەرى

ەل اۋماعىنان سۇيى­تىلعان مۇناي گازىن شىعارۋعا تى­يىم سالۋ 6 اي مەرزىمگە ۇزار­تىل­دى. بۇعان دەيىن تىيىم شە­كارا ما­ڭىنداعى ەلدەرگە سۇيى­تىلعان مۇناي گازىن شىعارۋ جانە ىشكى نارىقتا تاپشىلىقتىڭ تۋىنداۋىن بولدىرماۋ ماقساتىندا سالىنعان بولاتىن.

بيدايدى اۆتوموبيل, تەمىر­جول, سونداي-اق سۋ كولىگىمەن اكەلۋ­گە تىيىم سالۋ تاعى جارتى جىلعا ۇزارتىلدى. ەلىمىزگە بيدايدى رەسەي فەدەراتسياسىنىڭ شەكارالاس ايماقتارىنان اكەلۋدىڭ جانە ونى اۆتوموبيل كولىگىمەن كەرى ەكسپورتتاۋدىڭ «سحەمالارىن» ىسكە اسىرۋ قاۋپى ءالى دە ساقتالىپ وتىر. ءوز ونىمدەرىن ءوندىرۋ جانە تۇتىنۋ ءۇشىن ۇن تارتاتىن جانە قۇس وسىرەتىن كا­سىپ­­ورىندارعا تەمىرجول ارقىلى تا­سى­­مالداۋعا ەرەكشە جاعدايلار جا­سال­دى. اكە­لىنەتىن بيدايدى ىشكى جانە سىرتقى نارىقتاردا ساتۋعا بولمايدى.

سونداي-اق قىتايلىق مويىن­تى­رەك­تەر وندىرۋشىلەرى مەن ۇندىس­تان­­دىق ەلەكترودتار وندىرۋ­شى­لە­رى­نە قاتىستى دەمپينگكە قار­سى شارالاردى 5 جىلعا ۇزارتۋ ما­­­قۇلداندى. بۇل شارالار ۇق­ساس تا­ۋار­لاردىڭ وتاندىق وندىرۋ­شى­لە­رىن قورعاۋ ءۇشىن قابىلداندى. مو­يىن­تىرەكتەر ءۇشىن دەمپينگكە قارسى باج سالىعى تاۋار قۇنىنىڭ 31,3-41,5%-ىن, گرافيتتەلگەن ەلەكترودتار ءۇشىن 16,04-32,83%-ىن قۇرايدى.