فوتو: massaget.kz
قالالىق اكىمدىك جەر سىلكىنىسىنەن زاقىمدانعان عيماراتتاردى قالپىنا كەلتىرۋ ءۇشىن كومەك الۋدىڭ ءتارتىبىن ءتۇسىندىردى.
«زاقىم كەلگەن نىساندار انىقتالعان جاعدايدا قالا تۇرعىندارى اۋدان اكىمدىگىنە فوتوماتەريالدارمەن بىرگە ءوتىنىش جازۋى قاجەت. ارى قاراي كوميسسيا مۇشەلەرى ءوتىنىش نەگىزىندە زاقىمدانۋ دەڭگەيىن الدىن الا انىقتاۋ ءۇشىن عيماراتقا كوشپەلى تەكسەرىس جۇرگىزەدى. ياعني, ولار تىرەك قۇرىلىمدارىنىڭ بۇزىلۋى نەمەسە توبە, سىلاق, كافەل, قاسبەتتى ارلەۋ سياقتى ارلەۋ ماتەريالدارىنىڭ ەلەمەنتتەرىنە قاتىستىلىعىن انىقتايدى. اۋداندىق كوميسسيالاردىڭ بارلىق ماتەريالى قالالىق جوسپارلاۋ جانە ۋربانيستيكا باسقارماسىندا جيناقتالادى. كەيىن ول قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنا (قازقسعزي) جىبەرىلەدى. ءوز كەزەگىندە قازقسعزي ماماندارى بەلگىلى ءبىر نىساننىڭ زاقىمدانۋ سەبەبى مەن ونىڭ دارەجەسى تۋرالى قورىتىندى شىعارادى», دەلىنگەن حابارلامادا.
عيماراتتاردى جوندەۋگە كەتكەن شىعىن ءتۇرلى قارجى تەتىكتەرىنەن تارتىلادى. ماسەلەن, نىساندار ب ۇلىنگەن جاعدايدا اكىمدىك قارجى بولەدى, كوپپاتەرلى تۇرعىن ۇيلەردىڭ ارلەۋ ەلەمەنتتەرى زاقىمدانعان جاعدايدا جوندەۋ جۇمىستارى تۇرعىندارمەن اكىمدىكتىڭ بىرلەسكەن كۇشىمەن جۇرگىزىلەدى, ال عيماراتتىڭ تۇتاستىعىنا زاقىم كەلسە قارجى مەملەكەتتىك بيۋدجەتتەن تارتىلادى.
